Aqmola oblysynyń bas polıtseıi qaza tapqan áriptesiniń otbasyn merekemen quttyqtady
KÓKShETAÝ. QazAqparat - Aqmola oblysy polıtsııa departamentiniń bastyǵy general-maıor Armanbek Baımýrzın Halyqaralyq áıelder kúni qarsańynda Makınsk qalasynda turatyn qaza tapqan polıtsııa qyzmetkeri Anatolıı Drobchaktyń otbasyna bardy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
«Polıtsııanyń aǵa serjanty Anatolıı Drobchak 20 jyldan astam ýaqyt ishki ister organdarynda qyzmet etti, 2012 jyly ol qyzmettik mindetterin atqarý kezinde qaıtys boldy», - dedi vedomstvodan.
Departament basshysy marqumnyń jesirin kele jatqan merekemen quttyqtap, oǵan syılyq pen gúl syılady.
«Sizdiń jan joldasyńyz, bizdiń áriptesimiz Anatolıı Evstahıevıch ómirin Otanǵa adal qyzmet etýge arnady. Ol búgingi polıtsııa qyzmetkerlerine - úlgi-ónege. Anatolıı Evstahıevıchtiń esimi bizdiń jadynymyzda máńgi saqtalǵan», - deı kele, vedomstvo basshysy onyń otbasy men týystaryna tózimdilik úshin alǵys bildirdi.
Sondaı-aq, A.Baımýrzın kópbalaly otbasynyń áleýmettik-turmystyq jaǵdaıyn surap bilip, Anatolıı Evstahıevıchtiń jaqyndary árqashan polıtsııa tarapynan kómek pen qoldaý kórsetetinin atap ótti.
«Qazaqstan táýelsizdik alǵannan keıin 700-den astam polıtsııa qyzmetkeri, sonyń ishinde aqmolalyq tártip saqshylary qaza tapty. Olar týraly estelik áriptesteriniń júreginde máńgi qalady. Polıtsııa qyzmetkerleri árqashan áriptesteriniń otbasylaryna kómek qolyn sozýǵa daıyn. Qaza bolǵan polıtseılerdiń analary, jesirleri men balalary olardyń esinde jáne qamqorlyǵynda», - dep tolyqtyrdy vedomstvodan.
