Aqmola oblysynyń barlyq mektepterinde erteń de sabaq bolmaıdy
KÓKShETAÝ. QazAqparat - 8 aqpan kúni qatty aıazǵa baılanysty Aqmola oblysy aýmaǵyndaǵy barlyq mektepterde sabaq bolmaıdy. Bul týraly aımaqtyq Tótenshe jaǵdaılar departamentiniń 112 telefon nómiri arqyly sms habarlama taratyldy.
TJD taratqan məlimetke qaraǵanda, erteń oblys aýmaǵynda mınýs 35-40 gradýs aıaz bolady.
Aıta keteıik, sońǵy birneshe kúnnen beri úskirik aıazǵa baılanysty birqatar óńirde mektepter men kolledjderde oqýlar toqtatyldy. Máselen, búgin Pavlodar, Shyǵys Qazaqstan, Aqmola, Qostanaı, Soltústik Qazaqstan oblystary men Astana qalasynda sabaqtar bolǵan joq.
Elordada erteń, 8 aqpan kúni birinshi aýysymdaǵy 0-11 (12) synyp oqýshylary jáne kolledjderdiń 1-2 kýrs stýdentteri taǵy oqymaıdy.
