Aqmola oblysynyń barlyq aýdandarynda «Servıstik ákimdik» iske qosyldy
Vedomstvonyń málimetinshe, «Servıstik ákimdik» ashylýyna departament basshysynyń birinshi orynbasary Arman Berdalın jáne aýdan ákimi Murat Balpannyń qatysty.
Memlekettik organ jumysynyń jańa modeli halyqqa «bir tereze qaǵıdaty» boıynsha áleýmettik mańyzdy máseleler boıynsha memlekettik qyzmetter men keńes berý kómek alýǵa múmkindik beredi. Bul memlekettik qyzmet kórsetý kezinde kórsetiletin qyzmetti alýshynyń qujattardy jınaý men daıyndaýǵa barynsha az qatysýyn jáne onyń kórsetiletin qyzmetti berýshilermen tikeleı baılanysyn shekteýdi kózdeıdi.
«Sybaılas jemqorlyqtyń sebepteri men jaǵdaılaryn joıý maqsatynda Departament memlekettik organdardyń qyzmetinde «servıstik» formatty engizýdi belsendi iske asyrýda. Jarqaıyń aýdanynyń «Servıstik ákimdiginiń» ashylýymen osy formatqa kóshý tájirıbesin aýdandyq deńgeıde taratý aıaqtalýda. Memleket basshysy memlekettik organdar jumysynda qoljetimdilik, ashyqtyq, tutynýshyǵa baǵdarlaný jáne eseptilik máselesine erekshe kóńil bóledi. Osy oraıda, osy qaǵıdattardy qamtamasyz etý úshin osyndaı tájirıbe aldaǵy ýaqytta da jalǵasyn tabatyn bolady», – dedi sharada Arman Berdalın.
Sondaı-aq, óńirlik Sybaılas jemqorlyqqa qarsy vedomstvo basshylyǵy jergilikti atqarýshy organdardyń aýdandyq qurylymdyq bólimsheleriniń basshylarymen sybaılas jemqorlyqtyń aldyn alý boıynsha keńes ótkizdi. Odan basqa, basshylyq Aqmola oblysyna kelip túsetin sheteldik gýmanıtarlyq kómekti bólýdiń ashyqtyǵyna men dári-dármekterdiń shekti baǵalaryn saqtaýǵa monıtorıng sheńberinde aýdannyń aýrýhanasy men dárihanalaryna bardy.