Aqmola oblysynyń balýany respýblıkalyq týrnırde top jardy
KÓKShETAÝ. QazAqparat - Aqmolalyq balýan grek-rım kúresinen respýblıkalyq týrnırde top jardy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń málimetinshe, Semeı qalasynda Olımpıda, álem chempıony, KSRO-ǵa eńbegi sińgen sport sheberi Jaqsylyq Úshkempirovtiń júldesi úshin grek-rım kúresinen respýblıkalyq týrnır ótti. Jarysqa elimizdiń ár óńirinen jınalǵan 160 sportshy qatysyp, sheberlikterin ortaǵa saldy.
«Aqmola oblysynan Jaqsy aýdanyndaǵy T.Ýálıev atyndaǵy sport mektebiniń úsh balýany boz kilemge shyqty. Olardyń arasynda 72 keli salmaqta Qarataı Temirlan týrnır jeńimpazy atandy. Jerlesimiz bes kezdesýdiń beseýinde jeńiske jetip, QR sport sheberi normatıvin oryndady. Sondaı-aq, 63 keli salmaqta synǵan túsken Ázız Ǵasymov úshinshi orynnan kórindi. Balýandardy tájirıbeli bapkerler ıÝrıı Melnıchenko men Artem Savıtskıı jattyqtyrady», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
