Aqmola oblysynyń azamattyq qorǵanys júıesi «kúndelikti qyzmet» rejımine kóshirildi
KÓKShETAÝ. QazAqparat - Aqmola oblysynyń azamattyq qorǵanys júıesiniń jumysy «joǵary daıyndyq» rejıminen «kúndelikti qyzmet» rejımine kóshirildi. 2018 jylǵy sý tasqyny kezeńin taldaǵan oblystyq jedel shtab osyndaı sheshim qabyldady, dep habarlaıdy QazAqparat tilshisi Aqmola oblysy ákiminiń baspasóz qyzmetine silteme jasap.
Ákimdiktegilerdiń deregi boıynsha, aǵymdaǵy jyly óńirdegi sý tasqyny topyraqtyń qatý tereńdigi joǵary bolǵandyqtan ótken jylǵydan jeńil bolǵan joq.
Sý tasqyny bastalǵanǵa deıin 9 aýdanda 18 myń sharshy metr aýmaqta muz qabatyn jumsartý men muzdyń qurylymyn buzý úshin jarylys jumystaryn júrgizý tolyq aıaqtaldy. Atbasar, Arshaly, Bulandy, Tselınograd, Sandyqtaý aýdandarynda muz keptelisterin joıý úshin qosymsha jarylys jumystary júrgizildi.
Avtomobıl joldary men temir joldarda sý ótkizý nysandaryn, kópirlerdi qar men muzdan tazartý júrgizildi, borandar men daýyldarǵa baılanysty bul jumystar birneshe ret júrgizildi.
19 naýryzdan bastap oblystyń azamattyq qorǵanys júıesi «joǵary daıyndyq» rejımine kóshirildi, ózenderdiń qaýipti ýchaskeleri men gıdrotehnıkalyq nysandarda sýdyń jaǵdaıy men deńgeıin baqylaý úshin 100-ge jýyq beketterde táýlik boıy kezekshilik uıymdastyryldy.
Ótken jyldardyń sý tasqyndaryn eskere otyryp sý basý qaýpi bar eldi mekenderdi ınjenerlik qorǵaý boıynsha preventıvti is-sharalar aldyn ala júrgizildi.
Mysaly, elimizdiń sý tasqyny eń qaýipti aýdany - Atbasarda - sáýirdiń 13-inen 14-ne qaraǵan túnde sý tasqyny shyńyna jetti.
Kazgıdromettiń derekteri boıynsha, bıylǵy kóktemde Jabaı ózeni sýynyń kóterilý deńgeıi 687 santımetrdi qurady, al qaýipti deńgeı - 650. Barlyq qyzmetterdiń jumyldyrylǵan jumysy sý basýdy toqtatýǵa múmkindik berdi. Kúzgi-qysqy kezeńde munda jer jalyn qalpyna keltirý jáne nyǵaıtý, temirjol men kópir boıynda Jabaı ózeniniń jaǵalaýy men arnasyn tazalaý jumystary júrgizilgen. Sý ótkizý múmkindigin arttyrý jáne tasqyn sýdy apatsyz ótkizýdi qamtamasyz etý úshin Jabaı ózeniniń eski arnasy da tazalanǵan.
Osyndaı jumystar Seleti, Nura, Esil, Jabaı, Kolýton ózenderiniń boıynda ornalasqan eldi mekenderde de júrgizildi.
Erigen qar sýynyń asýy oblystyq jáne aýdandyq mańyzy bar avtojoldardyń birqatar ýchaskelerinde baıqaldy. Jol qyzmetteri jol jabyny ýchaskelerin 1 mamyrǵa deıin qalpyna keltirý boıynsha jóndeý jumystaryn aıaqtaıdy.
«Sý qoımalarynan kóp sý jiberý týraly aldyn ala habarlandyrý maqsatynda shtab Qazsý sharýashylyǵynyń Aqmola jáne Qaraǵandy oblystary boıynsha fılıaldarymen turaqty túrde jedel aqparat almasyp otyrdy, oblystyń iri sý qoımalarynyń jumys kestesi erigen qar sýynyń kelýi, apatsyz jaǵdaıdy jáne ózen arnalarynyń sý ótkizý múmkindikterin eskerip sý jiberý boıynsha jasaldy.
Naqty gıdrologııalyq kórsetkishterdi anyqtaý úshin, Kazgıdromettiń fılıaly men TJD-men birlese otyryp aqpan-sáýir aılary aralyǵynda Jabaı ózeni boıynsha ekspedıtsııalyq sholýlar ótkizilip turdy, eldi mekenderdi sý basý qaýpiniń deńgeıin boljaýǵa múmkindik beretin ǵaryshtyq túsirilimderdi baqylaý júrgizildi. 17 myńǵa jýyq aýla aralanyp, túsindirý jumystarymen qamtyldy, halyqtyń arasynda 200-den astam jınalystar men reıdter ótkizildi. Buqaralyq aqparat quraldary men keń taralǵan áleýmettik jelilerde daýyldyq eskertýler, habarlandyrýlar jáne sý basqan jaǵdaıdaǵy tártip erejeleri jarııalanyp turdy.
Sý tasqyny kezeńine óńirlerde 362 tonna jana-jaǵarmaı, 16,7 myń tonna ınertti materıaldar jáne 120,6 myń qap daıyndaldy. Oblystyń eldi mekenderinen 385 myń tekshe metr qar shyǵaryldy. Oblys boıynsha sý basýǵa jol bermeý maqsatynda 140 myń tekshe metr sý aǵyzyldy.
Aldyn ala júrgizilgen preventıvti is-sharalardyń arqasynda eldi mekenderdi sý basýyna jol berilgen joq. Búgingi tańda sý tasqyny kezeńin ótkerý oblystyń barlyq aýdandarynda sátti aıaqtaldy»,- dep kórsetilgen habarlamada.
