Aqmola oblysynyń aımaqtyq brendteri anyqtaldy
KÓKShETAÝ. QazAqparat - «Nur Otan» partııasynyń Kókshetaý qalasyndaǵy oblystyq fılıalynda «Aqmola oblysynyń aımaqtyq brendteri» baıqaýynyń jeńimpazdary marapattaldy, dep habarlaıdy QazAqparat tilshisi.
Táýelsizdik merekesi qarsańynda Aqmola oblystyq ishki saıasat basqarmasynyń uıytqy bolýymen «Jasyl bolashaq» qoǵamdyq qory uıymdastyrǵan baıqaýdyń jeńimpazdary «Óndiristik saladaǵy úzdik brend», «Azyq-túlik salasyndaǵy úzdik brend», «Innovatsııalyq óndiristegi» jáne «Týǵan jer» nomınatsııasyndaǵy úzdik brend» atalymdary boıynsha anyqtaldy.
Jeńimpazdardy kóshbasshy partııanyń oblystyq fılıaly tóraǵasynyń birinshi orynbasary Ǵalym Bekmaǵambetov, óńirlik kásipkerler palatasynyń dırektory Qaırat Sultanov, «Jasyl bolashaq» qoǵamdyq qorynyń tóraıymy Márııam Ábisheva quttyqtady.
Úzdikterdiń arasynda «Aqmola oblysynyń óndiris salasyndaǵy úzdik aımaqtyq brendi» atalymy boıynsha «Tynys» aktsıonerlik qoǵamy men «ENKI» kirpish zaýyty marapattaldy. Al, «AQMOL» dúkender jelisi men «Kókshetaý sút zaýyty» jaýapkershiligi shekteýli seriktestigi shyǵaratyn ónimder azyq-túliktiń úzdik brendi dep tanyldy.
Sondaı-aq, úzdikter qatarynda Stepnogorsk qalasynda jýyrda ashylǵan «GENOME» kompanııasy da bar. Bul kompanııa kosmetıka shyǵarýdy qolǵa alyp otyr. «Rýhanı jańǵyrý» atalymy boıynsha «Eresekterge arnalǵan bilim» qoǵamdyq birlestigi úzdik dep anyqtaldy. Jeńimpazdar dıplom jáne baǵaly syılyqtarmen marapattaldy.
