Aqmola oblysynyń aýylsharýashylyq jármeńkesinde eń úlken baýyrsaq pisiriledi
ASTANA. 31 qazan. QazAqparat - Demalys kúnderi Astana qalasynyń ortalyq alańynda Aqmola oblysynyń aýylsharýashylyq jármeńkesi ótedi, onda «Baýyrsaqtar festıvali» teatrlandyrylǵan shoý baǵdarlamasy aıasynda eń úlken baýyrsaq pisirilmek. Bul týraly astana.kz saıtyna qalalyq Kásipkerlik jáne ónerkásip basqarmasynan habarlady.
«Aqmola oblysy jármeńkege 110 mln. teńgeniń 450 tonna ónimin ákeledi», - delingen habarlamada. Ónimniń 100 astam túri satylatyn bolady. Atap aıtqanda, 100 tonna et pen et ónimderi, sonyń ishinde 35 tonna sıyr eti, 13 tonna qoı eti, 11 tonna shoshqa eti, 13 tonna jylqy eti, 5 tonna qus eti, 18 tonna shujyq, súrlengen ónimder men sýbónimder, 16 tonna sút jáne sút ónimderi, 180 myń dana jumyrtqa, 40 tonna balyq, 5,6 tonna nan ónimderi, 54 tonna un, 115 tonna kartop, sonymen qatar, kondıterlik ónimder, bal men jıdekter tosaby.
Ónimderdi satý úshin alańǵa 100 shatyr ornatylyp, 200 saýda orny ashylady. Budan basqa, baǵdarlamada ekologııalyq taza ónimderdiń «TOP-10» kórmesi uıymdastyrylady. Sondaı-aq, halyqtyq qolóner taýarlary satylady. Jármeńke barysynda kelýshilerge tegin taǵam taratylyp, lotereıa oınatylady. Árbir 100-shi satyp alýshyǵa syılyq beriledi. Aqmola oblysynyń úzdik shyǵarmashylyq ujymdary men ártisteri elorda turǵyndary men qonaqtaryna arnalǵan kontserttik baǵdarlama usynady.
