Aqmola oblysynyń Arshaly kentinde mekteptiń jylý qazandyǵy jarylyp, 3 adam zardap shekti

KÓKShETAÝ. QazAqparat - Aqmola oblysynyń Arshaly kentinde mekteptiń jylý qazandyǵy jarylyp, úsh adam zardap shekti, dep habarlaıdy QazAqparat tilshisi.

Aqmola oblystyq bilim basqarmasynyń málimetinshe, Arshaly aýdanynyń №3 mektebindegi tótenshe jaǵdaıǵa baılanysty aımaq basshysynyń birinshi orynbasary Málǵajdar Tátkeevtiń tóraǵalyǵymen jedel shtab quryldy. Oqıǵa ornyna bilim basqarmasynyń basshysy Beıbit Júsipov atandy.

«Qazirgi kezde apattyń saldaryn joıý jáne jylý berýdi qalpyna keltirý boıynsha jedel sharalar qabyldanyp jatyr. Balalardyń eshqaısysy zardap shekken joq, olar qashyqtan oqytýǵa aýystyryldy. Sonymen birge, óńirde mektepterdegi barlyq qazandyqtarǵa tekserý júrgiziledi. Zardap shekken úsh eresek adamǵa barlyq qajetti medıtsınalyq kómek kórsetilýde. Olqylyqqa jol bergen adamdar tekserýden keıin jaýapqa tartylatyn bolady», - dedi QazAqparat tilshisiniń saýalyna bilim basqarmasynan.

Aıta ketsek, Kókshetaýda qaraýsyz qalǵan 5 jasar balaǵa qatysty tergeý júrgizilýde.