Aqmola oblysynyń aqyndary óz shyǵarmalaryn Astanaǵa arnady

KÓKShETAÝ. QazAqparat - Búgin Aqmola oblysynda Astananyń 20 jyldyǵyna arnalǵan múshaıra ótti, dep habarlaıdy QazAqparat ishki saıasat basqarmasyna silteme jasap.

Atap aıtqanda, Aqmola oblysynyń tilderdi damytý basqarmasy «Astanany asqaqtatqan 20 jyl» atty oblystyq aqyndar músháırasyn ótkizdi. Oǵan 27 aqmolalyq aqyn qatysty.

 Baıqaýda baǵyn synaǵan eń jas aqyn 19 jasta, al eń úlkeni - 69-da.

 Múshaıranyń aqtyq aınalymyna 11 aqyn ótip, qazylar alqasy men kórermenderdiń pikiri boıynsha Qýanysh Ospanov, Muhammed Qońqaev jáne Serǵazy Qaıyrboldy úzdik dep tanyldy.

 Baıqaýǵa qatysýshylardyń shyǵarmalary Qazaqstannyń elordasy - Astanaǵa arnalǵan. Astananyń  ótkeni men shynaıylyǵyn jyrlaǵan aqyndar óz shyǵarmalarynda qazaq halqynyń tarıhı kezeńderi men ulttyq qundylyqtaryn kórsete otyryp, «Uly dalanyń jeti qyry» maqalasynda aıtylǵan el Prezıdentiniń asyl oılaryn óz jyrlaryna arqaý etti.

Jeńimpazdar Tilderdi damytý basqarmasynyń dıplomdarymen jáne baǵaly syılyqtarmen marapattaldy. Qalǵan qatysýshylar da nazardan tys qalǵan joq, olar alǵys hattarmen jáne yntalandyrý syılyqtarymen marapattaldy.