Aqmola oblysynyń ákimi jýrnalısterge bergen ýədesin oryndady
KÓKShETAÝ. QazAqparat - Aqmola oblysynyń ákimi Málik Myrzalın jumys saparymen Tselınograd aýdanynyń Qaraótkel aýylynda bolyp, áleýmettik nysandardy aralap kórdi.
Sondaı-aq, aýyldyń aldaǵy damý josparymen tanysty, dep habarlaıdy QazAqparat tilshisi əkimdiktiń baspasóz qyzmetine silteme jasap.
Esterińizge sala keteıik, osydan bir apta buryn Astanadaǵy Ortalyq kommýnıkatsııalar qyzmeti alańynda bolǵan baspasóz máslıhaty barysynda aımaq basshysy Málik Myrzalın jýrnalısterdiń Qaraótkel aýylyna qatysty qoıǵan saýaldaryna, eldi mekendegi ahýaldy arnaıy baryp kóremin dep ýədesin bergen bolatyn.
Astana irgesinde ornalasqan bul aýylda búgingi tańda 20 myńnan astam adam turady. Qaraótkelde 7 jeke balabaqsha, 2 mektep, dárigerlik ambýlatorııa jumys isteıdi. Astana aınalasyndaǵy aýyldardyń áleýmettik-ekonomıkalyq damýy keshendi josparynyń 1 kezeńi boıynsha munda 1200 oryndyq jańa mektep, sýmen qamtamasyz etý maqsatynda sý qoryn barlaý jumystary júrgizilip, aýyl ishinde sý qubyry tartylyp, 2 rezervýar men bas josparǵa ózgerister engizilgen.
Damý josparynyń ekinshi kezeńi boıynsha munda aýyldy sýmen qamtamasyz etetin Sabyndy-Aqmol sý taratqyshyn qaıta qurý jobasy ázirlengen. Endigi arada osy jobaǵa sáıkes sý taratqysh stansada kúrdeli jóndeý jumystary men sýmen qamtamasyz etý júıeleriniń qurylysyn júrgizý josparlanǵan. Sondaı-aq, aldaǵy ýaqytta munda 2 balabaqsha, aýylishilik 96 shaqyrym joldyń qurylysy kózdelgen. Aımaq basshysy Qaraótkeldiń aldaǵy josparymen tanysyp, joldar jóndeýge arnalǵan jobalyq qujatty ázirleý jumysyn jedeldetip, qurylys jumystaryn kelesi jyldyń kókteminde bastaýdy tapsyrdy. Al, qajetti áleýmettik nysandardy memlekettik -jekeshelik áriptestik arqyly ınvestıtsııa tartyp sheshýdi júktedi.
Sondaı aq oblys ákimi, Astana irgesinde ornalasqan aýdan ákimderi men jaýapty oblystyq basqarma basshylaryna jýrnalıster úshin baspasóz máslıhatyn ótkizip turýdy júktedi.
«Bul shara, turǵyndardyń túıtkildi suraqtaryna jaýap berip ári halyqtyń jergilikti atqarýshy organdardyń jumysymen tanysýǵa septigin tıgizedi», -dedi Málik Myrzalın.
Aımaq basshysy aýylda 2010 jyly ashylǵan «Aqjelken» bala baqshasy men jergilikti mektepte boldy. Dárigerlik ambýlatorııa jumysymen de tanysty. 
