Aqmola oblysynyń ákimi Jibek joly orta mektebine jańa avtobýs syılady
KÓKShETAÝ. QazAqparat - Aqmola oblysynyń ákimi Məlik Myrzalın 1 qyrkúıek - Bilim kúni Arshaly aýdanyndaǵy Jibek joly orta mektebine jańa avtobýs syılady, dep habarlaıdy QazAqparat tilshisi.
Atalmysh bilim ordasynda ótken alǵashqy qońyraý rəsimine qatysqan aımaq basshysy elimizdiń táýelsizdik alǵan jyldardan bergi ýaqytta qol jetkizilgen jetisterine toqtaldy. Sonymen qatar, osynda jınalǵan ustazdar men oqýshylardy jáne ata-analardy qýanyshtarymen quttyqtaı kele, bilim ordasyna jańa avtobýstyń sertıfıkatyn tapsyrdy.
«Elbasy N.Nazarbaevtyń memlekettik saıasatynyń arqasynda elimizde bilim berý salasyna zor kóńil bólinýde. Qazirgi kezde óńirde 18 bilim ordasynda qurylys jáne qalpyna keltirý jumystary júrgizilýde. Osy maqsatta 5 mıllıard teńge qarjy bólinip, úsh aýysymda oqytý məselesi sheshilýde. Oǵan qosa, 400 astam mektep mýltımedıalyq kabınettermen qamtamasyz etildi. 1 mıllıard teńgeden astam qarjyǵa oqýlyqtar satyp alyndy. Mektepterdiń materıaldyq-tehnıkalyq bazasy bir shama jaqsartyldy», - dedi aımaq basshysy óz sózinde.
Ashylǵanyna jeti jyl ǵana bolǵan Jibek joly aýylyndaǵy Imanjúsip Qutpanuly atyndaǵy orta mektep búginde aldyńǵy qatarly bilim oshaqtarynyń birine aınaldy. Atalmysh mektep 2011 jyly paıdalanýǵa berilgende oqýshylar sany eki júzge tolmasa da, bıylǵy oqý jylynda 800 júzden asyp otyr. Oqýshylardyń 50 paıyzǵa jýyǵy jaqyn mańdaǵy aýyldardan tasymaldanady.
«Oqýshylarymyz túrli respýblıkalyq, sporttyq ıntellektýaldyq jəne sporttyq jarystarda top jaryp keledi. Shúkir búginde balalaryn qazaq mektebine berýge yntaly ata-analar kóbeıdi. Bıyl oqýshylarymyzdyń sany 150 balaǵa kóbeıip, 852 oqýshyny qurady. Onyń ishinde 119 bala mektep tabaldyryǵyn tuńǵysh ret atap otyr», - dedi mektep dırektory Ǵalııa Mahambetova.
