Aqmola oblysynyń ákimi jańa basshylardy tanystyrdy

KÓKShETAÝ. QazAqparat - Aqmola oblysynda kadrlyq aýyz-túıis oryn aldy. Bul týraly Aqmola ákimi Málik Myrzalınniń tóraǵalyǵymen ótkizilgen kezekti ákimdik májilisinde aıtyldy, dep habarlaıdy QazAqparat tilshisi.

Keńeste Aqmola oblysynyń 2017 jyldyń birinshi jartyjyldyǵyndaǵy áleýmettik-ekonomıkalyq damý jáne osy aralyqtaǵy bıýdjettiń oryndalý qorytyndylary týraly máseleler qaraldy.

Májiliske aýdandar men qalalardyń ákimderi, oblystyq departamentter men basqarmalardyń, vedomstvolar men mekemelerdiń, ulttyq kompanııalar men kásiporyndardyń basshylary, oblys ákimi apparatynyń jaýapty qyzmetkerleri, buqaralyq aqparat quraldarynyń ókilderi qatysty. 

Sonymen qatar, ákimdik májilisinde jınalǵandarǵa «Esil» ÁÓK UQ» AQ dırektorlar keńesiniń ústimizdegi jyldyń 17 shildesindegi sheshimimen «Esil» ÁÓK UQ» AQ Basqarmasynyń tóraǵasy bolyp taǵaıyndalǵan Qazbek Saparbekuly Eskendirov jáne Qazaqstan Respýblıkasy Investıtsııalar jáne damý mınıstrliginiń Kólik komıteti tóraǵasynyń ústimizdegi jyldyń 19 shildesindegi buıryǵymen Aqmola oblysy boıynsha kólikti baqylaý ınspektsııasynyń basshysy bolyp taǵaıyndalǵan Janbolat Kamerıdanuly Hamıtov tanystyryldy.