Aqmola oblysynyń ákimi Zerendi aýdanyndaǵy egistik alqaptardy aralap kórdi (FOTO)
KÓKShETAÝ. QazAqparat - Aqmola oblysynyń ákimi Sergeı Kýlagın jumys saparymen Zerendi aýdanynda bolyp, sharýalardyń egistik alqaptaryn aralap kórdi, sondaı-aq, áleýmettik, óndiris, qurylys jáne aýyl sharýashylyǵy salasyndaǵy atqarylyp jatqan jumystardy pysyqtap, aldaǵy mindetterdi belgiledi.
Aımaq basshysy aldymen «Hımık» JShS-nyń egistik alqabynda bolyp, astyqtyń shyǵymyn baıqap kórdi. Sondaı-aq, jergilikti aýyl sharýashylyǵy taýarlaryn óndirýshilermen kezdesip, dıqan qaýymyn tolǵandyrǵan saýaldaryna qulaq túrdi.
«Bıylǵy jyly eginniń shyǵymy jaman emes. Aldaǵy kúnderi aýa raıy qolaılyq tanytsa qońyr kúzde mol ónim alýǵa bolady. Ol úshin daladaǵy astyqty kútip baptaý sharalaryn osy bastan tıisti deńgeıde júrgizý qajet», dedi aımaq basshysy.
Odan ári oblys ákimi «Zerendi astyq qabyldaý pýnkti» jaýapkershiligi shekteýli serikteginiń jumysyna da nazar aýdardy. Kásiporyn basshysy Azamat Jarahmetovtiń aıtýyna qaraǵanda, osydan on shaqty jyl buryn qurylǵan kásiporynda osy kúni saǵatyna 200 tonna bıdaı tazartylyp, keptirilýde. Kásiporynnyń 6 birlik tehnıkasy men syıymdylyǵy 28 myń tonna segiz astyq qoımasy bar. Onyń ishinde 1460 tonnaǵa arnalǵan kanadalyq «Tvıster» fırmasynyń tehnologııalyq qondyrǵysymen jabdyqtalǵan on qoıma bar ekenin aıta ketken jón.
Oǵan qosa 2011 jyly «Údemeli ındýstrıaldy ınnovatsııalyq damý» baǵdarlamasy sheńberinde quny 233,9 mıllıon teńgege kólemi 14,6 myń tonna astyqty keptirip, saqtaıtyn jelisi bar astyq qoımasy salyndy. Osynyń arqasynda turaqty jańa 20 jumys orny ashyldy.
Kásiporyn jumysyna on baǵasyn bergen aımaq basshysy astyqty aýdannyń kúzgi jıyn-terimge daıyn bolýyn atap ótti.
Osy kúni Aıdabol spırt zaýyty da nazarada tys qalǵan joq. Búgingi tańda zaýytta «esktra», «lıýks» klasty etıll spırti óndiriledi. Kásiporyn basshysy Álmurat Qalybaevtyń sózine qaraǵanda zaýyttyń táýligine 2 myń dekalıtr, jylyna 600 myń dekalıtr spırt óndirýge jetedi. Zaýytta ótken jyly 502,8 mılllıon teńgeniń ónimi shyǵarylsa, bıylǵy jyldyń alǵashqy jartysynda bul kórsetkish 412,3 mıllıon teńgege jetip otyr.
Sonymen qatar, kásiporynmen bıznestiń áleýmettik seriktestigi sheńberinde 2015 jyly qys aılarynda Aıdabol aýylynyń joldaryn qardan tazartyp otyrýǵa, sýmen qamtamasyz etýge, osyndaǵy orta mektep pen «Qýanysh» jáne «Baldyrǵan» balabaqshalaryn jylýmen qamtamasyz maqsatynda 12 mıllıon teńgege memorandýmǵa qol qoıyldy. Kásiporyn bul baǵytta ózine júktelegen mindetterdi oıdaǵydaı oryndaýda.
