Aqmola oblysynyń ákimi Sergeı Kýlagın saılaýda daýys berdi (FOTO)
KÓKShETAÝ. QazAqparat - Aqmola oblysynyń ákimi Sergeı Kýlagın QR Prezıdenti saılaýyna qatysyp, Kókshetaýdaǵy №1 orta mektepte ornalasqan №6 saılaý ýchaskesinde ózi qalaǵan kandıdatqa daýys berdi, dep habarlaıdy "QazAqparat" HAA-niń óńirdegi tilshisi.
"Óz elimniń azamaty retinde, men Qazaqstannyń turaqtylyǵy men gúldenýin qamtamasyz etetin kandıdatqa daýys berdim", - dedi oblys ákimi.
Sonymen qatar osy saılaý ýchaskesinde oblys ákiminiń orynbasary Qadyrhan Otarov pen Kókshetaý qalasynyń ákimi Ermek Marjyqpaev ta daýys berdi.
Oblystyq aımaqtyq saılaý komıssııasynyń bergen aqparaty boıynsha, qazirgi ýaqytta óńirdegi 808 saılaý ýchaskesinde daýys berý qalypty jaǵdaıda ótýde.
