Aqmola oblysynyń ákimi polıtsııaǵa 62 kóliktiń kiltin tapsyrdy (FOTO)
KÓKShETAÝ. QazAqparat - Aqmola oblysynyń ákimi Sergeı Kýlagın Kókshetaýda barlyq deńgeıdegi ákimder men jergilikti polıtsııa qyzmetiniń qyzmetkerleriniń qatysýymen ótip jatqan semınar-keńestiń ekinshi kúni jergilikti polıtsııa qyzmetiniń bólimshelerine sý jańa 62 kóliktiń kiltin tapsyrdy.
Onyń ishinde jol-patrýldik polıtsııa qyzmetine 20 «KIA Tserato» jáne polıtsııanyń ýchaskelik ınspektorlary bólimshelerine 42 «Nıva» kóligi berilip otyr.
«Búgin jergilikti polıtsııa qyzmeti úshin aıtýyly oqıǵa. Sizderdiń jumystaryńyz avtokóliksiz elestetý óte qıyn. Sondyqtan biz búginen bastap, jergilikti polıtsııa qyzmetiniń materıaldyq-tehnıkalyq parkin jaqsartýdy qolǵa alyp otyrmyz», - dedi shara barysynda oblys ákimi.
Sonymen qatar aımaq basshysy aldaǵy ýaqytta da osyndaı ıgi isterdiń jalǵasyn taýyp, memlekettik organdardyń avtoparkiniń nyǵaıtyla beretinin jetkizdi.
