Aqmola oblysynyń ákimi Polshanyń sút óndirý təjirıbesine qyzyǵýshylyq tanytty
KÓKShETAÝ. QazAqparat - Aqmola oblysynyń əkimi Məlik Myrzalın óńirge jumys saparymen kelgen Qazaqstandaǵy Polsha Respýblıkasynyń Tótenshe jəne ókiletti elshisi Selım Hazbıevıch bastaǵan delegatsııany qabyldady, dep habarlaıdy QazAqparat tilshisi əkimdiktiń baspasóz qyzmetine silteme jasap.
Polsha Parlamenti (Seıma) depýtattary tobynan quralǵan delegatsııamen ótken kezdesýde taraptar ekijaqty saýda, mədenı-gýmanıtarlyq baılanysty nyǵaıtý joldaryn qarastyrdy.
«Aqmola oblysy men Polsha arasynda saýda-ekonomıkalyq baılanys kórsetkishi byltyrǵy jyldyń sáıkes kezeńimen salystyrǵanda 3 esege ulǵaıǵan. Polshalyq əriptesterdiń aýyl sharýashylyǵy salasynda, onyń ishinde sút óndirý baǵytyndaǵy təjirıbeleri bizderdi qyzyqtyrady. Sol sebepti, biz ekijaqty áriptestik baılanysty nyǵaıtýǵa daıynbyz», - dep atap ótti M.Myrzalın kezdesýde.
Óz kezeginde Selım Hazbıevıch myrza da keleshekte ekijaqty birlesken jobalardyń júzege asyrylýyn qoldaıtynyn, sondaı-aq, 2018 jyldyń 19 maýsymynda Astanada ótetin Qazaqstan-Polsha ekonomıkalyq forýmyna aqmolalyq delegatsııany qatysýǵa shaqyrdy.
«Bul ekonomıkalyq áriptestiktiń ekijaqty damýyna arqaý bolatyn aýqymdy shara», dedi Polsha elshisi.
Sonymen qatar, kezdesýde Polsha Parlamenti (Seıma) komıssııasynyń tóraıymy Anna Shmıdt-Rodzevıch Qazaqstandaǵy etnıkalyq polıaktardyń óz tilderin, sal-dástúrleri men mədenıet saqtap, nasıhattaýda qoldaý kórsetip otyrǵan QR Prezıdentiniń atyna alǵysyn bildirdi.
