Aqmola oblysynyń ákimi Májilis depýtattaryn egin oraǵynyń barysymen habardar etti
KÓKShETAÝ. QazAqparat - Aqmola oblysynyń ákimi Málik Myrzalın óńirge jumys saparymen kelgen Qazaqstan Respýblıkasy Parlamenti Májilisiniń bir top depýtattarymen júzdesti, dep habarlaıdy QazAqparat tilshisi.
Negizinen túzeý mekemelerindegi jaǵdaımen, zańdylyqtardyń saqtalýymen tanysý maqsatynda kelgen halyq qalaýlylarynyń arasynda Aıgúl Nurkına, Saýytbek Abdrahmanov, Pavel Kazantsev, Irına Ýnjakova sııaqty Májilis depýtattary bar.
Aımaq basshysy jumys barysynda buryn da talaı júzdesip júrgen sizdermen kezdeskenime qýanyshtymyn deı kele, segiz aıdyń qorytyndysy boıynsha astanalyq oblysta barlyq sala boıynsha ilgerileýshilikterdiń bolǵandyǵyn atap ótti.
«Búgingi kúni oblys agrarshylary úshin asa mańyzdy egin jınaý naýqany qyzý júrip jatyr. Qazirgi kúnge deıin oblys dıqandary barlyq egistiktiń 80 paıyzyn destege salyp, 3,6 mıllıon tonna astyq bastyrdy. Gektar túsimi 10,6 tsentnerden aınalýda. Astyq túsimi ǵana emes, onyń sapasy da joǵary bolyp otyr. Ótken jyly úshinshi klasty bıdaı bar astyqtyń 65 paıyzyn qurasa, bıyl ol 85 paıyzdyń ústinde. ıAǵnı, sapaly astyqtyń baǵasy da joǵary bolmaq» - degen óńir basshysy oblysymyzǵa kelgen halyq qalaýlylarynyń jumys saparyna sáttilik tiledi.
Óz kezeginde Qazaqstan Respýblıkasy Parlamenti Májilisiniń depýtaty, áleýmettik áljýaz toptardy qoldaý jónindegi komıssııanyń tóraıymy Aıgúl Nurkına astanalyq oblysta birinshi ret bolyp otyrǵandyǵyn aıtyp, Kókshetaýdyń irgesinde ornalasqan túzeý mekemesindegi sottalǵandardy ustaý, jumyspen qamtý, bostandyqqa shyqqannan keıin eńbekke ornalastyrý sııaqty jaılarmen tanysatyndyǵyn málimdedi. Halyq qalaýlysynyń aıtýynsha, taıaýda ótetin Úkimet saǵatynda probatsııalyq zańnamalardyń oryndalý máselesi talqylanbaq eken.
