Aqmola oblysynyń ákimi Kóbeıtuzdy qorǵaýǵa qatysty pikir bildirdi
NUR-SULTAN. QazAqparat – Aqmola oblysynyń ákimi Ermek Marjyqpaev Kóbeıtuz kólin qorǵaýǵa qatysty pikir bildirdi, dep habarlaıdy QazAqparat tilshisi.
«Ótken jyly bul másele qoǵamdyq rezonans týdyrdy. Memleket basshysy bul máselege nazar aýdardy. Bul kól bizdiń óńirdegi erekshe oryndardyń biri. Osy oraıda kóldi saqtap qalý úshin ol jerde adamdar qyzmet etti. Sol aýmaqta sanıtarlyq, sýdy qorǵaý aýmaǵyn jasadyq. Sonymen qatar, Ekologııa mınıstrligimen birlese tıisti taldaý júrgizdik. Ondaǵy sý men tuzda aýyr metaldar kóp ekeni anyqtaldy. Sondyqtan týrısterdiń densaýlyǵy úshin atalǵan kólde bolý qaýipsiz emes», - dedi E. Marjyqpaev Ortalyq kommýnıkatsııalar qyzmetinde.
Bul turǵyda ol adamdardy Kóbeıtuzǵa barýdan tartýdy surady.
Budan buryn habarlanǵandaı, jyqynda Ekologııa, geologııa jáne tabıǵı resýrstar mınıstri Maǵzum Myrzaǵalıev qazaqstandyqtarǵa Kóbeıtuzǵa barmaýǵa keńes berdi.
Vedomstvo basshysy Kóbeıtuzdyń sýy men tuzy adam aǵzasyna qaýip tóndirýi múmkin degen boljam aıtty.
