Aqmola oblysynyń ákimi Feısbýkte jeke paraqshasyn ashty

ASTANA. QazAqparat - Aqmola oblysynyń ákimi Málik Myrzalın óńir turǵyndaryna atqarylǵan jumystar jóninde baıandap, olardyń pikirlerine qulaq asý maqsatynda Feısbýk jelisinde paraqsha ashty, dep habarlaıdy QazAqparat tilshisi.
None
None

Bul týraly Aqmola oblysy ákiminiń týrızm máseleleri jónindegi keńesshisi Marat Iǵalı habarlady.

«Aqmola oblysynyń ákimi Málik Myrzalın Feısbýkte óziniń jeke paraqshasyn ashty. Laık basýǵa umytpańyzdar, dostar!» dep jazdy ol.

Al óńir basshysy óz paraqshasynda : "Qurmetti dostar! Facebook-te óz paraqshamdy ashý eń aldymen jumys babymen qajettilik týǵyzdy. Aqparattyq ashyqtyq óńir turǵyndaryna Aqmola oblysyndaǵy memlekettik organdarda atqarylyp jatqan jumystardan habardar bolýmen qatar óz pikirlerin aıtýǵa da múmkindik beredi", - dep málim etti.

Sonymen birge, ákim Aqmola oblysynyń Astana irgesindegi eń iri aýylsharýashylyǵy aımaǵy ekenin atap ótti. Elbasynyń Astana qalasynyń azyq-túlikpen qamtý beldeýin odan ári damytý baǵdarlamasyn júzege asyrý maqsatynda búgin Astanada "AQMOL" - atty saýda jelisiniń alǵashqy dúkeni ashylatynyn habarlady.

"Astana turǵyndary men qonaqtaryn 2017 jyldyń 11 qarashasynda "Nur Aspan" turǵyn úı keshenindegi "AQMOL" dúkeninde kútemiz! Munda sizder úshin sapaly ári qoljetimdi baǵamen et, sút, nan ónimderi satylatyn bolady. Alǵashynda Astanada bul jobanyń úsh saýda jelisi ashylady, keıinirek dúkender sanyn onǵa deıin arttyrý kózdelgen", - dep óz sózin tolyqtyrdy M.Myrzalın.

Óńir basshysynyń aıtýynsha, bastapqyda "AQMOL"saýda jelisinde: «Agrofırma «Rodına», JShS, «Ijevskıı», KK, «Astana Agro Prodýkt», «CAPITAL PROJECTS LTD», «Gormolzavod», «Torgovyı Dom «Aına» sııaqty tanymal aqmolalyq kásiporyn taýarlary qoljetimdi baǵamen satylmaq.

 

Сейчас читают