Aqmola oblysynyń «Agrofakı» komandasy KVN lıgasynda jeńiske jetti
KÓKShETAÝ. QazAqparat - Aqmola oblysynyń «Agrofakı» KTK qurama komandasy óńiraralyq soltústik lıganyń irikteý oıynynda jeńiske jetti, dep habarlaıdy «QazAqparat» HAA tilshisi óńirlik kommýnıkatsııaar qyzmetine silteme jasap.
Reseıdiń Hanty-Mansy avtonomdyq okrýgine qarasty Nıagan qalasynda KTK halyqaralyq odaǵynyń óńiralyq soltústik lıgasynyń 1/8 fınaly oıyndary ótti. Oǵan Astananyń «Qorǵaljyn» jáne Aqmola oblysynyń «Agrofakı» komandalarymen birge Hanty-Mansynyń «Na parallelı» jáne Salym qalasynyń «Balaganchık» komandalary qatysty.
Komandalar «Tanystyrý», «Instakonkýrs», «Razmınka» jáne «Kop» baıqaýlary boıynsha ushqyr ázil men akterlik sheberlikterin synady. Instakonkýrs barysynda «Agrofakı» KTK komandasy Kókshetaý qalasy týraly vıdeony kórsetti. Odan ári «Kop» baıqaýynda komandalar jerlesteriniń jetistikteri men kemshilikterin ánge qosyp aıtty.
Nátıjesinde 16,9 upaıymen jeńimpaz atanyp, shırek fınalǵa shyqty.
Ekinshi oryn 16,6 upaı jınaǵan «Qorǵaljyn», úshinshi jáne tórtinshi oryndardy 15,1-14,4 upaımen «Balaganchık» pen «Na parallelı» komandalary ózara bólisti.
Aıta keteıik, atalǵan lıga KTK halyqaralyq odaǵynyń ishinde eń tanymaly bolyp sanalady. KTK Joǵary lıgasynda «Kamyzıakı» komandasynyń quramynda chempıon bolǵan Denıs Dorohov pen Aleksandr Panekın atalǵan lıganyń redaktorlary bolyp sanalady.
