Aqmola oblysynyń agrarlyq salasy digital deńgeıine kóterilýde

KÓKShETAÝ. QazAqparat - Aqmola oblysynyń agrarlyq salasy digital deńgeıine kóterilýde. Bul týraly oblystyq máslıhat depýtattary aldynda bıylǵy jyldyń 8 aıy boıynsha atqarylǵan jumystarynyń qorytyndysy shyǵarylǵan eseptik kezdesýinde aımaq basshysy Málik Myrzalın atap ótti, dep habarlaıdy QazAqparat tilshisi.

Oblys ákimi óz sózinde aýyl sharýashylyǵy kásiporyndaryn tsıfrlandyrý máselesine nazar aýdardy.

«Birinshi kezeńde egistik alqaptarynyń elektrondyq kartasyn jasaý aıaqtaldy. Oblys boıynsha barlyǵy 5 mıllıon 800 myń gektar egistik alqapta tsıfrlandyrý júrgizildi», - dedi M. Myrzalın.

Sonymen qatar, aımaq basshysy aýyl sharýashylyǵy jerlerine ǵaryshtyq monıtorıng júrgizý úshin bıylǵy jyly birinshi ret 19 mıllıon teńge qarjy bólingenin atap ótti.

Bul agrotehnıkalyq sharalardy der kezinde júrgizýge, janar-jaǵarmaıdy únemdeýge jáne tyńaıtqyshtardy tıimdi qoldanýǵa múmkindik bermek.