Aqmola oblysynyń 70 jastaǵy turǵyny ulyn taýyp bergen polıtseılerge alǵys bildirdi
KÓKShETAÝ. QazAqparat - Aqmola oblysynyń 70 jastaǵy turǵyny ulyn izdep tabýǵa kómektesken polıtsııa qyzmetkerlerine alǵys bildirdi, dep habarlaıdy QazAqparat tilshisi obylstyq PD baspasóz qyzmetine silteme jasap.
Vedomstvonyń málimetinshe, Astrahan aýdandyq polıtsııa bóliminiń akkaýntyna ulyn izdep tabýǵa kómektesken polıtseılerdiń atynan beınejazba jáne alǵys hat keldi.
«Qarashanyń 25-de Astrahan aýylynyń 70 jastaǵy turǵyny telefon shaldy. Áıel qarashanyń 24-de saǵat 21:00 úıinen shyǵyp, qaıtyp oralmaǵan 41 jastaǵy ulyn izdestirýge kómek surady. Er adamnyń úıine kelmeı qalý ádetti bolmaǵan, sondyqtan anasy polıtsııa bólimine habarlasyp kómek suraǵan», - dedi vedomstvodan.
Áıeldiń sózinshe, ol ulynyń ómirine alańdaýly. Tártip saqshylary er adamdy jedel izdestirip, bir táýliktiń ishinde tapty. Onyń mekenjaıy týraly birden anasyna aıtty. Er adamǵa qatysty qandaı da bir qylmys pen quqyqbuzýshylyq jasalmaǵan. Áıel tártip saqshylarynyń jumysyna shynaıy alǵysyn bildirip, jumystaryna tabys tiledi.
