Aqmola oblysynyń 49 jastaǵy turǵyny bes kúnnen beri tabylmaı jatyr
KÓKShETAÝ. QazAqparat - Aqmola oblysynda iz-túzsiz joǵalǵan 49 jastaǵy er adamǵa izdeý jarııalandy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, er adamnyń joǵalǵandyǵy týraly 2021 jylǵy sáýirdiń 19-da Tselınograd aýdandyq PB kezekshilik bólimine habarlandy. Ony iz-túzsiz joǵalǵan 1971 jylǵy er adamnyń Nur-Sultan qalasynda turatyn 47 jastaǵy inisi aıtty.
Onyń sózinshe, Kóken Nurlan sáýirdiń 17-de keshki saǵat 21:30 shamasynda Qosshy kentindegi úıinen shyǵyp, keıin qaıtyp oralmaǵan.
Joǵalǵan er adamnyń boıy 170-175 sm, dene bitimi ortasha, shashy qara, murny túzý, erni juqa, qulaǵy qalqańdaý. Ústindegi kıimi týraly aıta almady.
«Jedel izdestirý sharasy barysynda krımınaldyq polıtsııa qyzmetkerleri jáne ýchaskelik polıtsııa ınspektorlary qonaq úıler, jalǵa beriletin páterler, kompıýter klýbtary, saýda ortalyqtary, túngi klýbtar, sharýa qojalyqtary, avtokempıng, qaraýsyz qalǵan qurylys, qurylys alańdary, saıabaq pen skverler, káriz kollektorlary, garaj kooperatıvteri, saıajaılar, ózender men sý aıdyndaryn tekserip shyǵyp, qoǵamdyq kólik, jeke tasymaldaýmen aınalysatyn taksı júrgizýshilerinen surastyrdy», - deıdi vedomstvodan.
Polıtsııa qyzmetkerleri joǵalǵan Kóken Nurlan týraly qandaı da bir aqparat bolatyn bolsa, dereý 8(716-2) 29-10-67, 29-10-68, 29-11-22, 8-778-907-03-01 nemese Aqmola oblysy PD kezekshi bóliminiń telefondary boıynsha: 8 (716-2) 29-10-07, 29-10-08 polıtsııaǵa habarlaýdy suraıdy.
