Aqmola oblysynyń 4 aýdanynda muz jarý jumysy júrgizildi

KÓKShETAÝ. QazAqparat - Aqmola oblysynyń Sandyqtaý, Ereımentaý, Arshaly aýdandarynda jáne Kókshetaý qalasyndaǵy ózenderde muz keptilisi bolýy múmkin ýchaskelerde muz jarý jumysy júrgizildi, dep habarlaıdy QazAqparat tilshisi oblystyq TJD baspasóz qyzmetine silteme jasap.

Vedomstvonyń málimetinshe, kóktem aılarynda ózen sýynyń qaýipsiz ótýin qamtamasyz etý úshin muz keptelisi oryn alatyn ýchaskeler tańdaldy.

Onyń ishinde Kókshetaý qalasynda - Qylshaqty, Sandyqtaý aýdanynda - Jabaı ózenderinde júrgizildi.

«Jarylys oryndary kezdeısoq tańdalmaǵan. Munda jyldan jylǵa tasqyn sýlardyń ótýi kezinde qıyn jaǵdaılar - jaǵalaýlardyń sý basýyna ákep soqtyrýy múmkin muz keptelisi týyndaıdy. Buǵan jol bermeý úshin qutqarýshylar muzdy aldyn ala untaqtaıdy», - dedi vedomstvodan.

TJD qyzmetkerleri atap ótkendeı, jarylǵysh zattardy qoıý qupııa protsess, bireýine shamamen bes mınýt ýaqyt ketedi.

Qalaı bolǵanda da, qaýipsizdik maqsatynda jumys ornyna bógde adamdar jiberilmeıdi.

Muz jarý jumystary júrgizilgen aýdandardaǵy ózenderdegi muzdyń qalyńdyǵy 70-90 santımetrdi quraıdy.

«Oblys boıynsha muzdy qopsytý jáne jarý jumystary josparlanǵan 10 óńirdiń ishinde Kókshetaý qalasynda, Sandyqtaý, Ereımentaý, Arshaly aýdandarynda barlyǵy 2360 sharshy metr muz jaryldy» dep tolyqtyrdy vedomstvodan.