Aqmola oblysynyń 4 aýdanynda aýyl ákimderin saılaý ótedi

ASTANA. QazAqparat – Aqmola oblysynyń 4 aýdanyndaǵy 5 aýyl men aýyldyq okrýgte ákim saılaýy belgilendi, dep habarlaıdy QazAqparat tilshisi.

Saılaý qazirgi ákimderdiń ókilettigi merziminen buryn aıaqtalýyna baılanysty belgilenip otyr.

Saılaýǵa ákimdikten úmitker 18 adamnyń kandıdatýrasy usynylǵan bolatyn. Onyń ishinde «Amanat» saıası partııasynan - 1 (5,6 %) adam nıet bildirgen. Qalǵan 17 adam (94,4%) – óz-ózin usynýshylar.

«QR Memlekettik qyzmet týraly zańnamasynyń talaptaryna sáıkes kelmeýine baılanysty 2 úmitkerdiń kandıdatýrasy maquldanbady. 1 kandıdat qujattardy túgel usynbaýyna baılanysty tirkeýge alynbady. Sonda resmı tirkelgen kandıdat sany – 15. Onyń bireýin «Amanat» partııasy usynsa, qalǵan 14-i óz-ózderin usynyp otyr. Bul 15 úmitkerdiń tórteýi (26,7%) – áıelder. Bir orynǵa orta eseppen 3 adam talasady», - dep jazylǵan ákimdiktiń aqparatynda.