Aqmola oblysynyń 2025 jylǵa deıingi damý strategııasy talqylandy

KÓKShETAÝ. QazAqparat - Aqmola oblysynyń ákimi Málik Myrzalın RF Prezıdenti janyndaǵy Memlekettik basqarma men Reseı halyq sharýashylyǵy akademııasy korporatıvtik basqarý Joǵary mektebiniń kafedra meńgerýshisi, KSRO jáne RǴA akademıgi Abel Aganbegıan bastaǵan ǵalymdar tobymen kezdesti, dep habarlaıdy QazAqparat tilshisi əkimdiktiń baspasóz qyzmetine silteme jasap.

Kezdesýde oblystyń 2025 jylǵa deıingi áleýmettik-ekonomıkalyq damýy strategııasyn əzirleýde əriptestik ornatý məselesi sóz boldy.

"Memleket basshysy óziniń kúni keshegi Joldaýynda «Qazaqstandyqtardyń ál-aýqaty eń aldymen, tabystarynyń turaqty ósimi men turmys sapasyna baılanysty» degen sózderimen óńirlik damýdyń jańa serpinine jol ashyp berdi. Osynaý óńirlik damýdy baǵdarlamasy sheńberinde aqmolalyqtardyń əl-aýqaty men ómir sapasyn jaqsartý kózdelgen.  Osy baǵdarlamany əzirleýge atsalysýǵa nıet bildirip otyrǵandaryńyzǵa alǵys bildiremin",-dedi oblys ákimi.

Óz kezeginde qonaqtar oblys jaıly aldyn ala maǵlumattarmen tanysýǵa múmkindik jasalǵanyna alǵys aıtty.

«Óńir basshylyǵy aldaǵy jyldarǵa naqty maqsat qoıyp, ony sheshýdiń ońtaıly joldaryn qarastyrǵany baıqalady",-dedi A.Aganbegıan. "Bul iske bizdi qatystyryp otyrǵandaryńyz ortaq múddeden týyndaıdy. Aqmola oblysynyń barlyq jaǵynan damýyna múmkindik mol. Astana naryǵy ǵana emes, Astananyń bolashaǵy da osyny talap etedi. Sizder altyn óndirýde, egin ósirýde jetekshi oryndasyzdar. Sondyqtan, Aqmola oblysynyń əleýeti zor".

«Ərıne, biz birlesip jumys isteıin baǵdarlamany júzege asyrý oblystyń geografııalyq jəne geosaıası jaǵdaıyn eskere otyryp, turǵyndardyń ómirin jaqsartýǵa múmkindik beredi",- deı kele, Reseı korporatıvti Joǵary mektebiniń dırektory, professor Sergeı Kalendjan ınnovatsııalyq bilim klasterin qurý jóninde usynys  jasady.