Aqmola oblysynyń 2018-2020 jyldarǵa arnalǵan bıýdjeti bekitildi
Sessııada aldymen óńirdegi áleýmettik basty máselelerdi sheshýdegi 2018-2020 jyldarǵa arnalǵan oblystyq bıýdjetke nazar aýdaryldy. Aldaǵy úsh jyldaǵy bıýdjettiń parametrleri týraly oblystyq ekonomıka jáne bıýdjettik josparlaý basqarmasynyń basshysy Baýyrjan Məlǵajdarov túsindirip aıtyp berdi.
«2018-2020 jyldarǵa arnalǵan oblystyq bıýdjet óńirdiń 2018-2022 jyldardaǵy əleýmettik-ekonomıkalyq damý boljamy negizinde əzirlendi. Onyń ishinde Memleket basshysy Nursultan Nazarbaevtyń jyl saıyn el halqyna arnaǵan Joldaýynda aıtylǵan mindetterdi júzege asyrýǵa baǵyttalǵan.
Jańa bıýdjette bilim, densaýlyq, áleýmettik, turǵyn úı kommýnaldyq sharýashylyǵy, aýyzsýmen qamtamasyz etý, agronerkəsiptik keshendi damytý sııaqty salalyq jəne memlekettik baǵdarlamalardy qarjylandyrý qarastyrylǵan. Bıýdjet shyǵynynyń negizgi bóligi əleýmettik salany damytýǵa baǵyttalǵan. Bıýdjet kólemi oblystyń damýy men azamattardyń əleýmettik deńgeıin saqtaı otyryp, bıýdjet salasy men ekonomıkalyq tıimdilikti arttyrý arqyly is júzindegi mindetterdi tolyq qamtamasyz etýge múmkindik beredi», - dedi Baýyrjan Məlǵajdarov.
Jaryssózge shyqqan oblystyq məslıhat depýtattary Serik Aıaǵanov jəne Maksım Bojko ótken jylǵy bıýdjet qorytyndysyn jan-jaqty saralaı kele, jańa bıýdjettiń azamattar aldynda barlyq mindettemelerdi saqtaı otyryp, oblystyń ekonomıkalyq ósýine turaqty jaǵdaı jasaýǵa múmkindik beretinin atap ótti.
Budan keıin óńirde qylmysqa jáne quqyqbuzýshylyqqa qarsy kúres baǵytyndaǵy atqaryp jatqan jumystary jóninde jergilikti polıtsııa qyzmetiniń bastyǵy Serik Baımuqanov baıandap berdi. Ol óz sózinde byltyrǵy jyldyń səıkes kezeńimen salystyrǵanda jalpy, qylmystyń sany 1,5 myńǵa azaıǵanyn, óńirde qoǵamdyq tártip saqtaý boıynsha jaǵdaı turaqty ekenin jetkizdi.
Sonymen qatar, sessııada depýtattar Aqmola oblysy boıynsha qorshaǵan ortaǵa tólenetin emıssııa mólsherlemesin arttyrý, Tselınograd aýdanynyń əkimshilik-aýmaqtyq qurylymdaǵy ózgeristeri týraly sheshimdi biraýyzdan qoldady. Sessııada aımaq basshysy ózine senim bildirgen depýtattarǵa alǵysyn bildire kele, ár máselege konstrýktıvti sheshim qabyldanǵanyn atap ótti.
«Ózderińiz baıqap otyrǵandaı aldaǵy 3 jylda bıýdjet shyǵyny artyp otyr. Munyń barlyǵy Elbasynyń alǵa qoıǵan mindetteri men turǵyndardyń əl-aýqatyn jaqsartýǵa baǵyttalǵan», - dep sózin qorytyndylady oblys ákimi.
Sessııa sońynda óńirimizdiń, jalpy elimizdiń bilim salasyn damytýǵa eleýli úles qosyp júrgen Saǵyntaı Elýbaevqa oblysymyzdyń qurmetti azamaty ataǵy berildi.
