Aqmola oblysynyń 12 eldimekeninde áleýmettik mańyzy bar nysandar jóndeledi
KÓKShETAÝ. QazAqparat – Aqmola oblysynda aýyl aýmaqtarynyń áleýmettik ortasyn jańǵyrtý boıynsha «Aýyl - el besigi» jobasy júzege asyrylýda, dep habarlaıdy QazAqparat tilshisi oblystyq Іshki saıasat basqarmasyna silteme jasap.
Vedomstvonyń málimeti boıynsha, joba sheńberinde óńirdegi toǵyz aýdanda perspektıvasy bar 12 eldimekende kóliktik ınjenerlik qurylym, áleýmettik qamsyzdandyrý jáne turǵyn úı-kommýnaldyq sharýashylyq nysandary jóndeledi jáne jańadan salynady.
Búgingi tańda Bulandy, Zerendi, Sandyqtaý, Shortandy, Tselınograd aýdandary jáne Krasnoıar ketinde barlyǵy 18 áleýmettik mańyzy bar nysandardy jóndeý jumystary bastalyp ketti.
Bulardyń arasynda jylý júıesi men sýmen jabdyqtaý júıesi, mádenıet, densaýlyq saqtaý jáne sport nysandarynyń qurylysy bar.
Jalpy, bıylǵy jyly Aqmola oblysynda «Aýyl - El besigi» jobasy sheńberinde 35 joba júzege asyrylyp, 2000 jumys ornyn ashý josparlanǵan.
Aýyl aýmaqtarynyń áleýmettik ortasyn jańǵyrtý úshin oblystyq bıýdjetten qyrýar qarjy bólinýde. Aýdandardyń 50 jyldyq mereıtoıyna syılyq retinde abattandyrý boıynsha 50 joba júzege asyryl a dy. Onyń ishinde eń iri jobalardyń biri – mereıtoı qarsańynda aıaqtaý josparlanyp otyrǵan aýdandyq ortalyq aýrýhanalar jáne jataqhanalar, mádenıet úıleri, ortalyq stadıon, alańdar, 5 mektep, 2 saıabaqty jóndeý josparlanǵan, sondaı-aq, 16 páterli turǵyn úı jáne ınjenerlik ınfraqurylym, sport zaly, jaıaý jol sııaqty nysandar salynatyn bolady.
Egindikól aýdandyq aýrýhanasynyń terapevt dárigeri Altynsara Qasenova 1985 jyldan beri aýdan ortalyǵynda turyp keledi.
«Biz ujymdaǵy áriptesterimizben birge aýdan úshin mańyzy zor nysan – aýdandyq aýrýhanaǵa júrgiziletin jóndeý jumystaryn taǵatsyzdana kútip júrmiz», – deıdi Altynsara Qasenova.
Qazirgi kezde kúrdeli jóndeý jumystary bastalǵan. Joba boıynsha úsh qabatty ǵımarattyń barlyq qabaty jóndeledi. Onyń ishinde ǵımarattyń shatyryn aýystyrý, sýmen jabdyqtaý jáne káriz júıesin jańartý, plastıkalyq terezeler ornatyp, syrtqy kelbetin qalpyna keltirý josparlanǵan.
