Aqmola oblysynyń 115 bilim nysanynda qazandyqtardy syrtqa shyǵarý qajet
KÓKShETAÝ. QazAqparat - Aqmola oblysynyń 115 bilim nysanynda qazandyqtar ǵımarattyń ishinde ornalasqan. Osyǵan baılanysty, olardy syrtqa shyǵarý boıynsha jumystar júrgizilmek. Bul týraly aımaq basshysy Məlik Myrzalınniń tóraǵalymen ótken apparat məjilisinde aıtyldy, dep habarlaıdy QazAqparat tilshisi.
Məjiliste turǵyn úı-kommýnaldyq sharýashylyǵy jəne əleýmettik nysandardyń aldaǵy jylý berý maýsymyna daıyndyǵy pysyqtaldy. Oblystyq energetıka jəne turǵyn úı-kommýnaldyq sharýashylyǵy basqarmasynyń basshysy V.Radchenkonyń sózinshe, nysandardyń 90 paıyzy aldaǵy maýsymǵa əzir. Jóndeý jumystarynyń kólemi tolyq ıgerilýde.
31 tamyzdaǵy məlimet boıynsha, oblysta 629 qazandyq, 762 bilim berý, 597 densaýlyq saqtaý nysany jəne 2 myńnan astam turǵyn úı sektory qysqa daıyn. Oǵan qosa, 50 shaqyrym jylý jelisi, 40 shaqyrym sýmen jabdyqtaý jəne sý aǵyzý nysany jóndelgen.
Sonymen qatar, basqarma basshysy oblystaǵy 115 bilim nysanynda qazandyqtardy syrtqa shyǵarý qajettigin atap ótti.
«Bilim ordalaryndaǵy qazandyqtardy syrtqa shyǵarý boıynsha 2020 jylǵa deıingi jospar jasaldy. Aǵymdaǵy jyly 11 bilim berý ordasynda blokty-modýldyq qazandyq salý boıynsha memlekettik saraptamany ótkizýge jəne jobalyq-smetalyq qujattardy ázirleýge qarjy bólindi. Oǵan qosa, Arshaly aýdanynyń Anar stansasynda mektep pen balabaqshaǵa, Zerendi aýdanyndaǵy Dóńgilaǵash negizi mektebine jańa qazandyq salý úshin oblystyq bıýdjetten 55,1 mıllıon teńge qarjy bólindi», - dedi V.Radchenko.
Budan keıin Tselınograd jəne Býrabaı aýdandary men Stepnogorsk qalasy ákimderi de baıandama jasap, jylý berý nysandarynyń qysqa daıyndyǵyn baıandady.
