Aqmola oblysyndaǵy zırat basynan balalar úıiniń eki tárbıelenýshisiniń asylǵan múrdeleri tabyldy
ASTANA. 9 jeltoqsan. QazAqparat - Stepnogorsk qalasy ІІD kezekshi bólimine telefon arqyly zırattar aýmaǵynan asylǵan kúıindegi eki jas balanyń múrdesi tabylǵany týraly habar kelip túsken. Bul týraly Aqmola oblysy ІІD baspasóz qyzmetinen habarlady.
Belgili bolǵandaı, eki jas jigittiń biri Jolymbet aýdany balalar úıiniń tárbıelenýshisi, al ekinshisi Ýrıýpınsk balalar úıiniń tárbıelenýshisi bolyp shyqqan, olar Aqmola oblysy Astrahanka aýylyndaǵy tehnıkalyq kolledjinde oqyǵan. Mert bolǵan balalar osydan bir apta buryn astan ýlanyp túsken aýdandyq aýrýhanadan qashyp ketken.
Joǵalyp ketken jas jigitterdiń múrdesin zırat basyna kelgen Stepnogorsk qalasynyń turǵyny kórgen. Dereý zırattar dırektoryna habarlap, ol polıtsııaǵa telefon soqqan.
Oqıǵa ornynan qaza bolǵandardyń qujattary men syrt kıimderi tabylǵan.
Qazirgi ýaqytta sot-medıtsınalyq saraptama taǵaıyndaldy, tekserý júrgizilýde.
