Aqmola oblysyndaǵy jylytý pýnkterine 50-ge jýyq adam jetkizildi

KÓKShETAÝ. QazAqparat - 9 qańtarda respýblıkalyq mańyzy bar «Astana-Petropavl» avtojolynyń jabyq ýchaskesinen qutqarýshylar jergilikti atqarýshy organdarmen jáne polıtsııa qyzmetimen birlesip dızel otynymen júretin jolaýshylar avtobýsynan 49 adamdy evakýatsııalady, onyń ishinde 6-ýy bala, dep habarlaıdy QazAqparat.

Aqmola oblysy TJD baspasóz qyzmetiniń málimetinshe, Tájikstan Respýblıkasynyń 49 azamaty Şýchınsk qalasynyń ortalyq meshitindegi jylytý pýnktine ornalastyrylyp, ystyq tamaqpen qamtamasyz etildi.

«Biz Tájikstannan Reseıge jol tarttyq. – 40 gradýs aıazda bizdiń avtobýs jolda qalyp qoıdy. Osyndaı sýyqta bizge kómekteskenderi, jyly jerge ornalastyrǵandary, tamaqtandyrǵandary úshin Qazaqstanǵa alǵys aıtamyz», – dedi evakýatsııalanǵandardyń biri.

Aqmola oblysynyń Tótenshe jaǵdaılar departamenti oblys turǵyndary men qonaqtarynan joldardyń jabylýy týraly SMS-habarlamalar alǵan kezde jolǵa shyqpaýlaryn suraıdy. Joldardyń jabylýy jáne aýa raıy týraly aqparatty «Darmen» qosymshasyn júkteý arqyly nemese 1403 nómiri boıynsha bilýge bolady.

Vıdeodan alynǵan kadr//instagram.com/aqmola_tjd