Aqmola oblysyndaǵy jol apatynan bir adam kóz jumdy
KÓKShETAÝ. QazAqparat - Aqmola oblysynyń Zerendi aýdanynda jol-kólik oqıǵasynan bir adam kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, jol-kólik oqıǵasy 17 sáýirde saǵat 15:15 shamasynda «Kókshetaý - Petropavl» tas jolynyń 322 shaqyrymynda, ıaǵnı Alekseevka aýylynyń mańynda bolǵan.
«Keıin anyqtalǵandaı Kókshetaý qalasyna baǵyt alǵan «Fiat Tempra» jeńil kóliginiń 1961 jylǵy júrgizýshisi rýlge ıe bola almaı joldyń qarsy baǵytyna shyǵyp ketip, SQO-nyń 23 jastaǵy turǵyny basqarǵan «Mercedes-Benz» júk kóligimen soqtyǵysqan. Jol apatynan «Fiat Tempra» kóliginiń júrgizýshisi oqıǵa ornynda kóz jumsa, 55 jastaǵy jolaýshysy túrli dene jaraqatymen Aqmola oblystyq aýrýhanasyna jetkizildi», deıdi PD baspasóz hatshysy Gúlnar Pınchýk.
Vedomstvodan atap ótkendeı, qazirgi kezde osy oqıǵaǵa baılanysty QR QK 345-babynyń 3-bóligi boıynsha iz qozǵalyp, tergeý amaldary júrgizilip, tıisti sot-medıtsınalyq saraptama taǵaıyndaldy.
