Aqmola oblysyndaǵy jeldiń saldarynan birqatar áleýmettik nysandar jaryqsyz qaldy
KÓKShETAÝ. QazAqparat - Aqmola oblysynyń Esil aýdany aýmaǵynda bolǵan qatty jelden birqatar áleýmettik nysandarǵa zalal keldi, dep habarlaıdy «QazAqparat» HAA tilshisi.
TJD baspasóz qyzmetiniń málimeti boıynsha, aǵymdaǵy jyldyń 3-shi maýsymy kúni aýdan aýmaǵynda jyldamdyǵy 24-25 m/s jel turǵan. Sonyń saldarynan Esil qalasyndaǵy aýdandyq aýrýhananyń 80 sharshy metr shatyry, 3 qabatty kóppáterli turǵyn úıdiń 20 sh.m. shatyry, № 1 orta mekteptiń 40 sh.m. metr shatyry, «Balbóbek» balabaqshasynyń 200 sh.m shatyry, aýdandyq bilim bólimi ǵımaratynyń 100 sh.m shatyryn jáne jekemenshik 5 úıdiń shatyryn jel ushyryp áketken.
Oǵan qosa, Znamenka aýylyndaǵy orta mekteptiń 800 sh.m shatyryn ushyrsa, Aqsaı aýylyndaǵy «Sultan» dámhanasynyń 120 sh.m shatyry julynyp tústi.
«Jalpy, daýyldan 12 nysanǵa zalal kelgen. Elektr qýatyn taratatyn jeliniń isten shyǵýyna baılanysty Esil qalasy, Aqsaı jáne Qarakól aýyldarynyń turǵyndary jaryqsyz qaldy.
Sonymen qatar, basyna shıfer qulaǵan 1967 jylǵy kelinshek Esil aýdandyq aýrýhanasyna jatqyzyldy.
Qazirgi kezde, Esil aýdandyq ákimdiginde jedel shtab qurylyp, «RES» AQ apattyń aldyn alý brıgadasymen elektr jelisi qalpyna keltirildi», dep túsindirdi baspasóz qyzmetindegiler.
