Aqmola oblysyndaǵy úzdik temirjolshylar anyqtaldy
ASTANA. QazAqparat - Aqmola jol bólimshesiniń mamandary poıyz qurastyrýshy Vıacheslav Popkov pen vagon qaraýshy-jóndeýshi Pavel Kerekesha «QTJ-Júk tasymaly» AQ ótkizgen jylma-jylǵy kásibı sheberlik baıqaýynyń jeńimpazdary atandy. Olar Esil stantsııasynda eńbek etedi.
«Baıqaýǵa mashınıster, poıyz qurastyrýshylar, vagon qaraýshylar, basqa da stantsııada eńbek etetin túrli mamandyq ıeleri qatysty. Olardyń ishinde Pavel Ivkın úzdik mashınıst atandy. Ol Býrabaı shıpajaıy stantsııasyndaǵy lokomotıv paıdalaný deposynda qyzmet etedi», - deıdi «QTJ-Júk tasymaly» -Aqmola JT bólimshesi» fılıalynyń bas ınjeneri Syrmanhan Kerimbekov.
Onyń aıtýynsha, baıqaýdyń alǵashqy kezeńinde stantsııalardyń, vagon jáne lokomotıv depolarynyń úzdik mamandary tańdaldy. Birinshi kezeńde úzdik shyqqandar Júk tasymaly bólimshesiniń fınaldyq baıqaýyna qatysty.
«Baıqaý barysynda qatysýshylardyń qozǵalys qaýipsizdigin qamtamasyz etýdiń teorııalyq jáne praktıkalyq bilý deńgeıi tekserildi. Temirjoldy tehnıkalyq paıdalaný Erejesi, Temirjoldaǵy belgi berý jáne baılanys nusqaýlyǵy, Temirjoldaǵy poıyz qozǵalysy men manevrlik qozǵalystary Erejesi, Eńbek qaýipsizdigi Erejesi nazarǵa alyndy»,- deıdi B. Kerimbekov.
JT Aqmola bólimshesiniń úzdik mashınısi Pavel Ivkınniń aıtýynsha, «jeńis ońaılyqpen kelgen joq. Baıqaý asa tartysty ótti. Qatysýshylardyń arasynda myqtylar kóp. Men osyndaı ári qurmetti, ári jaýapkershiligi mol ataqty alǵanyma qýanyshtymyn».
«Úzdik poıyz qurastyrýshy», «Úzdik vagon qaraýshy-jóndeýshi», «Úzdik lokomotıv mashınısi» ataǵyna baıqaý «QTJ» UK» AQ barlyq aımaqtyq bólimshelerinde ótkizilýde.
Mundaı saıystar temirjolshylardyń kásibı biliktiligin únemi jetildirip otyrýyna yqpal etedi.
