Aqmola oblysyndaǵy úsh eldi mekenge aparatyn joldy sý basty
KÓKShETAÝ. QazAqparat - Aqmola oblysynda aǵyn sýdyń kóptep kelýine baılanysty Atbasar-Sochınskoe baǵytyndaǵy jol ýaqytsha jabyldy. Osy kezde 3 eldi mekenge aparatyn jol jabyq, dep habarlaıdy QazAqparat tilshisi.
«Atbasar-Sochınskoe baǵytyndaǵy jol ýaqytsha jabyldy. Aǵyn sý jınalyp qalǵan, ol qarmen aralasyp, dalaly aımaqtan joǵarydan tómen qaraı aǵyp, joldy basyp qaldy»,-dep túsindirdi Atbasar aýdany ákimdiginiń Azamatyq qorǵanys jáne tótenshe jaǵdaı máseleleleri jónindegi bas mamany Vadım Ermakov.
Onyń aıtýynsha, ázirge 3 eldi mekenge aparatyn jol jabyq. Olar: Sepe, Sochınskoe, ıAroslavka aýyldary. Alaıda bul eldi mekenderge eshqandaı qaýip týyp otyrǵan joq. Shamamen birneshe saǵattan soń sý deńgeıi tómendeıdi, sodan soń joldy ashýǵa bolady.
