Aqmola oblysyndaǵy ýnıversıtette dárigerler oqytyla bastaıdy
KÓKShETAÝ. QazAqparat - Shoqan Ýálıhanov atyndaǵy Kókshetaý memlekettik ýnıversıtetinde «Jalpy medıtsına» mamandyǵy ashylady, dep habarlaıdy QazAqparat tilshisi Aqmola oblysy ákiminiń baspasóz qyzmetine silteme jasap.
Ákimdiktiń deregi boıynsha, osydan birer kún buryn QR Densaýlyq saqtaý mınıstrliginde medıtsınalyq kadrlardy daıarlaý úshin beriletin lıtsenzııaǵa qol jetkizildi. Bul Aqmola oblysy úshin úlken jetistik. Sońǵy birneshe jyldar boıy oblysta dəriger mamandardyń tapshylyǵy sezilip keledi.
«Ýnıversıtette medıtsına bakalavry akademııalyq dərejesin alý úshin 5 jyl bilim alý qarastyrylǵan. Oqýyn təməmdaıtyn stýdentterge dəriger biliktiligi negizgi mamandyqtar boıynsha 5 jyl, oǵan qosa taǵy 2 jyl ınternatýrada oqyǵan kezde ǵana beriledi.
Internatýradan ótpegen túlek klınıkalyq təjirıbege jiberilmeıdi. Negizgi mamandyq boıynsha oqyǵan jəne ınternatýradan ótken túlek ǵana dəriger bolyp jumys isteı alady.
JOO terapevt, hırýrg, pedıatr, akýsher mamandyqtary boıynsha jalpy təjirıbedegi dərigerler daıarlanady. Oqytý protsessi 3 tilde júrgiziledi», delingen habarlamada.
Eske sala keteıik, ótken jyly Sh.Ýəlıhanov atyndaǵy Kókshetaý memlekettik ýnıversıtetiniń oqytýshylyq quramy jáne stýdentterimen kezdesken aımaq basshysy Məlik Myrzalın óńirdi medıtsınalyq kadrlarmen qamtamasyz etýde atalmysh bilim ordasynda medıtsınalyq fakýltet ashý týraly bastama kótergen bolatyn.
