Aqmola oblysyndaǵy turaqtandyrý qorynyń jumysy tekserildi
Aqmola - adaldyq alańy» jobalyq keńesi men arnaıy monıtorıngtik top ókilderi «Esil» kásipkerlik korporatsııasy» UK» AQ basqarmasynyń turaqtandyrý qoryn qalyptastyrý jumystarymen tanysty.
«Aqmola - adaldyq alańy» jobalyq keńesi men arnaıy monıtorıngtik top ókilderi osy máselege nazar aýdardy.
«Búgingi kúni turaqtandyrý qorynda 12 tonna kúrish, 15 tonna jarma, 1,5 tonna ósimdik maıy, 3,4 tonna sary maı, 1825 tonna birinshi sortty un bar. Jaqyn kúnderi qor taǵy 68 tonna kúrish, 42 tonna ósimdik maıymen tolyqtyrylady.
Budan bólek, 2 vagon qant, qaraqumyq jarmasy, kúrish, jumyrtqa jáne «Kókshetaý sút zaýyty» seriktestiginiń sút ónimderin satyp alý josparlanǵan», - deıdi «Esil» kásipkerlik korporatsııasy» UK» AQ basqarmasynyń baspasóz qyzmetindegiler.
Osy rette, «Aqmola - adaldyq alańy» jobalyq keńesi men arnaıy monıtorıngtik top ókilderi «Kókshetaý sút zaýyty» seriktestigi men «Esil» kásipkerlik korporatsııasy» UK» AQ basqarmasynyń qoımalarynda boldy.
