Aqmola oblysyndaǵy respýblıkalyq joldar ashyldy
KÓKShETAÝ. QazAqparat - Aqmola oblysy aýmaǵy arqyly ótetin respýblıkalyq mańyzy bar kúre joldar barlyq kólik túrine ashyldy, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
«QazAvtoJol» Aqmola oblystyq fılıalynyń jedel málimeti boıynsha kúnniń ashylýyna baılanysty qańtardyń 2-i saǵat 12:00 bastap respýblıkalyq maqsattaǵy kúre joldardyń «Nur-Sultan-Petropavl» 18-231 km (Şýche -Nur-Sultan), «Ekaterınbor-Almaty» 1006-1247 km (Atbasar - Nur-Sultan), «Nur-Sultan-Qabanbaı batyr-Kıevka-Temirtaý» 42-51 km (Nura aýyly-Qaraǵandy oblysynyń shekarasy), «Şýche-Zerendi» 0-80 km (Şýche-Zerendi), «Ekaterınbor-Almaty» 1291-1426 km (Nur-Sultan – Temirtaý) ýchaskelerinde kóliktiń barlyq túrine jol ashyldy», - deıdi vedomstvodan.
