Aqmola oblysyndaǵy órt 4 balanyń ómirin qıyp ketti
KÓKShETAÝ. QazAqparat - Aqmola oblysynda turǵyn úıde bolǵan órtten 4 bala ys tıip, kóz jumdy, dep habarlaıdy «QazAqparat» HAA tilshisi aımaqtyq TJD baspasóz qyzmetine silteme jasap.
TJD málimeti boıynsha órt Arshaly jáne Sandyqtaý aýdandarynda bir kúnde, bir ýaqytta, ıaǵnı, aǵymdaǵy jyldyń 28 qańtarynda keshki ýaqyt 18:00-19:00 aralyǵynda oryn alǵan.
«Sandyqtaý aýdanynyń Lesnoe aýylyndaǵy Tsentralnyı kóshesiniń boıyndaǵy eki qabatty turǵyn úıdiń ekinshi qabatyndaǵy páter órtke orandy. Tilsiz jaýdy aýyzdyqtaýǵa TJD «órt sóndirý jáne avarııalyq qutqarý jumystary» MM jeke quramynan 3 adam jáne 1 arnaıy órt sóndirý tehnıkasy, «Balkashınskıı PZ» JShS 2 jumysshysy men 1 tehnıkasy jáne aýyldyń 6 turǵyny jumyldyryldy. Oqıǵa ornynan 2012 jylǵy V.V. Krıvenko jáne 2016 jylǵy ıÝ.V. Krıvenko Sandyqtaý aýdandyq aýrýhanasyna jetkizilip, sonda tilge kelmesten kóz jumdy.
Sonymen qatar, osy kúni Arshaly kentindegi Mıtchenko kóshesiniń boıyndaǵy turǵyn úıdiń ekinshi qabatyndaǵy páterden órt shyqty. Tilsiz jaýdy aýyzdyqtaýǵa TJD «órt sóndirý jáne avarııalyq qutqarý jumystary» MM jeke quramynan 3 adam jáne 1 arnaıy órt sóndirý tehnıkasy tartyldy. Ystan ýlanǵan 2011jylǵy A.N. Sabyrbaı jáne 2012 jylǵy N.N. Sabyrbaı Arshaly aýdandyq aýrýhanasynda kóz jumdy», dep kórsetilgen habarlamada.
