Aqmola oblysyndaǵy Novomarkovka aýylynyń ataýy ózgeredi

KÓKShETAÝ. QazAqparat – Ereımentaý aýdanyndaǵy Novomarkovka aýylynyń ataýy Maılan bolyp ózgertilmek. Aqmola oblysy ákimdigi men máslıhatynyń birlesken sheshimi «Ashyq» NQA saıtynda jarııalandy, dep habarlaıdy QazAqparat tilshisi.

«Aqmola oblysy Ereımentaý aýdanynyń Novomarkovka aýyly Maılan aýyly dep atalsyn. Bul sheshim Aqmola oblysyndaǵy ıdeologııalyq turǵydan eskirgen ataýlary bar eldi mekenderdi qaıta ataý jónindegi 2022-2025 jyldarǵa arnalǵan Jol kartasy aıasynda jasalyp otyr», - delingen birlesken sheshim shyǵarylǵan qujatta.

Qaýly 22 qyrkúıekke deıin ashyq talqylaýǵa shyǵarylǵan. Keıin eldi meken ataýyn ózgertý sheshimi kúshine enedi.

Qosa ketsek, osy aptada depýtattyq top Nur-Sultan qalasyna Astana ataýyn qaıtarý týraly usynys jasady. Keıin bul bastamaǵa qatysty Senat tóraǵasy Máýlen Áshimbaev, Parlament Májilisiniń Erlan Qoshanov jáne Úkimet músheleri pikir bildirgen edi.