Aqmola oblysyndaǵy mekteptiń birinde bıyl jalǵyz túlek bitirdi
ASTANA. QazAqparat - Aqmola oblysynyń Arshaly aýdanyna qarasty Túrgen aýylynda 11-synypty jalǵyz oqýshy bitirip shyqty, dep habarlaıdy QazAqparat 31 arnaǵa silteme jasap.
Alekseı Derevıankonyń qatarlastary 9-synyptan soń kolledjerge ketip qalǵan eken. Osylaısha Túrgen orta mektebiniń muǵalimderi sońǵy eki jyldan beri 11-synyptan tek Alekseı Derevıankony oqytyp kelipti.
Al túlektiń ózi, alǵashynda bir synypta jalǵyz oqý ersi bolǵanyn jasyrmaıdy. Mektep bitirgen soń, Alekseı Qaraǵandyǵa baryp, avtoelektrık mamandyǵyn oqýdy josparlap otyr.
Muǵalimder jalǵyz túlekke tipti mektep bitirý keshin uıymdastyryp bermek nıette.
Aýdan ákimdiginiń saıtyndaǵy málimet boıynsha Astanadan 72 shaqyrym qashyqtyqtaǵy Túrgen aýylynda sońǵy sanaq boıynsha 890 adam tirkelgen.
