Aqmola oblysyndaǵy mektepte «energo únemdegish kabınet» jumys isteıdi
KÓKShETAÝ. QazAqparat - Aqmola oblysynyń Stepnogor qalasyndaǵy ıÝ.Gagarın atyndaǵy №7 orta mektepte energo únemdegish stanogty tehnologııa kabıneti jumys isteıdi, dep habarlaıdy QazAqparat tilshisi.
Óńirlik kommýnıkatsııalar qyzmetiniń málimeti boıynsha, atalmysh jobanyń avtory - eńbek pániniń muǵalimi Farıt Karıbýllın. Avtordyń sózinshe, 2013 jyly energııa shyǵynyn eki esege azaıtatyn qýattylyǵy shaǵyn dvıgateldi stanok jasaý jobasy qolǵa alynǵan bolatyn. Keıin, 2014 jyly joba «jahandyq ekologııalyq qorynyń shaǵyn granttary» baǵdarlamasy boıynsha 150000 teńgeniń grantyn jeńip aldy. Jobany júzege asyrý barysynda shaǵyn dvıgateldi stanoktyń kúrdeli túıini men muryndyǵyn jasaýda oqýshylardyń ata-analary da qol ushyn sozǵan. Ásirese, ákeleri tyń jobany júzege asyrýda tehnıkalyq jaǵynan kómektesken. 
«Biz 5 aıdyń ishinde 220 voltti dvıgateldi 10 stanok jasap shyǵardyq. Bul stanoktar energo únemdegish ári tasymaldap júrýge yńǵaıly. Oǵan 380 voltpen jumys isteıtin stanoktarda qurastyrdyq. Jobany júzege asyrýdaǵy eń basty maqsatymyz oqýshylardyń shyǵarmashylyq qabilettin arttyryp, pánge degen qyzyǵýshylyq oıatý», - deıdi Farıt Karıbýllın.
Sonymen qatar, joba elektr únemdegish tehnologııany engizý máselesin sheshýge baǵyttalǵan. Jobany júzege asyrý barysynda aǵash óńdegish, elektrli ara, lentaly tegistegish, dóńgelekti tegistegish sııaqty shaǵyn dvıgateldi tórt eksperımentaldy shaǵyn stanok jasalynyp, osy kúni eńbek sabaǵynda tıimdi qoldanylýda.
