Aqmola oblysyndaǵy qus fabrıkasynda jumysshy mert boldy
KÓKShETAÝ. QazAqparat – «Makınsk qus fabrıkasy» JShS júk kótergish kóliginiń júrgizýshisi jumysshyny basyp mert qyldy, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, oqys oqıǵa tamyzdyń 4-de bolǵan.
«Aldyn ala málimetter boıynsha, jumys ústinde «JCBAKD-704S» júk kótergish kóliginiń júrgizýshisi 40 jastaǵy jumysshyny basyp ketti, er adam alǵan dene jaraqatynan oqıǵa ornynda kóz jumdy», - dep aıtty vedomstvodan.
Qazirgi kezde, «Makınsk qus fabrıkasy» JShS jumysshynyń ólimine baılanysty QR QK 156 baby (eńbekti qorǵaý erejesiniń buzylýy) boıynsha sotqa deıingi tergeý amaldary júrgizilýde. Sondaı-aq, tergeý sharalary sheńberinde saraptama taǵaıyndaldy.
