Aqmola oblysyndaǵy qurǵaq shóptiń janýy myń gektar aýmaqtan asyp ketti

KÓKShETAÝ. QazAqparat - Aqmola oblysyndaǵy qurǵaq shóp órtin sóndirý qıynǵa soǵyp jatyr, dep habarlaıdy QazAqparat.

TJM málimetinshe, jalyn Birjan sal atyndaǵy aýdannyń Qaınar aýylynan 15 km jerde oryn aldy.

«Sekýndyna 7 metrge deıin soqqan jel men aýa temperatýrasynyń +38 gradýsqa deıin kóterilýi órt sóndirý jumystaryn qıyndatýda.

Jaǵdaıǵa keshendi baǵalaý júrgizilgennen keıin jergilikti atqarýshy organdar órt aldyn ala aýdanynyń 1 100 gektardy quraıtynyn anyqtady.

Eldi mekenderge qaýip joq», - dep málimdedi vedomstvodan.

Órtti sóndirýge TJD jáne jergilikti atqarýshy organdardyń kúshteri men quraldary jumyldyryldy.

­Órt sóndirý jumystary jalǵasýda.

Aqmola oblysynyń Tótenshe jaǵdaılar departamenti turǵyndardan ormandy-dala alqaptarynda órt qaýipsizdigi sharalaryn saqtaýdy suraıdy.