Aqmola oblysyndaǵy Krasnyı kordon aýylynyń ataýy ózgermek

ASTANA. QazAqparat – Aqmola oblysynyń Býrabaı aýdanyna qarasty Krasnyı kordon aýylynyń ataýy ózgerýi múmkin. Bul týraly Ashyq NQA saıtynda jarııalanǵan óńir ákiminiń qaýlysy men oblystyq maslıhattyń sheshim qujatynda kórsetilgen, dep habarlaıdy QazAqparat tilshisi.

«Aqmola oblysy Býrabaı aýdanynyń Krasnyı kordon aýyly Aqmola oblysy Býrabaı aýdanynyń Aqqaıyń aýyly dep atalsyn.

Osy birlesken Aqmola oblysy ákimdiginiń qaýlysy men Aqmola oblystyq máslıhatynyń sheshimi alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi», - dep jazylǵan qujatta.

Usynysty ashyq talqylaý 23 qarashaǵa deıin jalǵasady.

Eske sala keteıik, buǵan deıin Aqmola oblysyna qarasty Arshaly aýdanyndaǵy 2 aýyl men 1 aýyldyq okrýgtiń ataýy qazaqshalanǵan bolatyn. Atap aıtqanda, Arshaly aýdanynyń Donetskoe aýyly – Anarkól, Volgodonov aýyly – Eltoq aýyly jáne Volgodonov aýyldyq okrýgi Eltoq aýyldyq okrýgi bolyp ózgertildi.