Aqmola oblysyndaǵy kólder qalaı tazartylady
KÓKShETAÝ. QazAqparat - Aqmola oblysy ásem tabıǵatymen áıgili jáne saýyqtyrý kózi sanalady. Óńirdiń tabıǵı baılyǵyn saqtaý úshin búginde ekologııalyq máselelerdi sheshý boıynsha aýqymdy jumys júrip jatyr, dep habarlaıdy QazAqparat oblystyq ishki saıasat basqarmasyna silteme jasap.
Óńirdegi sý qoımalaryn tazartý máselesi ózekti máselelerdiń biri bolyp qalyp otyr.
Şýche-Býrabaı kýrorttyq aımaǵynyń kólin qospaǵanda, Kókshetaýdaǵy Qopa kóli qala turǵyndary úshin demalys jáne shomylý orny bolyp tabaldy.
Jergilikti ekologtardyń pikirinshe, Qopa kóliniń sý deńgeıine erekshe nazar aýdarý kerek. Bul ony tazartýdyń jalǵyz joly.
«Qazirgi ýaqytta oblystyq ekologııa departamenti aımaqtaǵy kólderdiń lastanýynyń aldyn alý boıynsha úlken jumystar júrgizýde. Monıtorıng, sý sapasyn tekserý, hımııalyq saraptama mindetter tizimine kiredi», - dep atap ótti oblystyq vedomstvonyń bas mamany Marııa Derbasova.
Mamandardyń aıtýynsha, Qopa kólin tazartý boıynsha jobalyq-smetalyq qujattamany ázirleýge 90,6 mıllıon teńge bólingen.
Búgingi tańda Qopa kólin tazartý jumystary 90 paıyzǵa aıaqtaldy.
Týǵan ólkeniń sý resýrstaryn qorǵaý jónindegi is-sharalarǵa nemquraıly emes turǵyndar da qosyldy.
Ereımentaý aýdany ákimdiginiń aqparaty boıynsha, bıyl Aıdana Qadyr men Botagóz Júsipova QR Aqparat jáne qoǵamdyq damý mınıstrliginiń grantyn jeńip aldy, onyń aıasynda olar eriktilermen birge týrıster arasynda óte tanymal qyzǵylt Kóbeıtuz kóliniń aýmaǵyn abattandyrdy.
Ótkizilgen is-sharalardyń arqasynda ýchaskede ýrnalar ornatylyp, kól týraly málimetter jáne oǵan qamqorlyq jasaý qajettiligi týraly aqparat paraqshalary paıda boldy.
Jergilikti ákimdikten atap ótkendeı, belsendiler aldaǵy ýaqytta da sapaly qyzmet kórsetýge nıetti.
