Aqmola oblysyndaǵy ken orynnan 122 mln teńgeniń altyny urlandy
Aqmola oblysynyń Polıtsııa departamenti baspasóz qyzmetiniń málimetinshe, urlyq 2 naýryzǵa qaraǵan túni bolǵan. Budan kásiporynǵa 122 mıllıon teńge zalal kelgen.
«Osyǵan baılanysty Qylmystyq kodekstiń 188-baby 4-bóligi «urlyq» boıynsha sotqa deıingi tergeý sharalary qolǵa alyndy. Osy qylmysqa qatysy bar adamdardy anyqtaý úshin krımınaldyq polıtsııa men tergeýdiń tájirıbeli qyzmetkerleri qatarynan arnaıy jedel-tergeý toby quryldy», - dedi vedomstvodan.
PD baspasóz qyzmetiniń málimetinshe, jedel-izdestirý jáne tergeý is-sharasy barysynda 300-ge jýyq adamnan jaýap alyndy, kásiporyn obektilerinde, sondaı-aq kenttiń perımetri boıynsha ornalasqan beınebaqylaý kameralarynan beınejazbalar zerdelendi jáne taldandy.
«Nátıjesinde Jolymbet kentiniń 26 jáne 34 jastaǵy turǵyny, ıaǵnı «Qazaqaltyn» taý-ken metallýrgııa kombınaty» AQ-nyń eki qyzmetkeri anyqtaldy. Kúdiktiler ózderiniń qylmystyq nıetin qylmys jasaýdan alty aı buryn josparlaǵany beligili boldy. Kúdiktiler qylmystaryn moıyndady. Zattaı dáıekterdi kúdiktilerdiń biri týysynyń páterine jasyrǵany anyqtalyp, tárkilendi», - dep tolyqtyrdy vedomstvodan.