Aqmola oblysyndaǵy iri jol apaty: jeńil kólik órtendi
KÓKShETAÝ. QazAqparat – Aqmola oblysynyń aýmaǵynda «Nur-Sultan-Petropavl» kúre jolynda birneshe kólik soqtyǵysty, saldarynan bir avtomobıl órtenip ketti, dep habarlaıdy QazAqparat tilshisi.
Aqmola oblystyq TJD baspasóz qyzmetiniń málimetinshe, búgin saǵat 14:14 shamasynda Şýche qalasynyń mańynda «Nur-Sultan-Petropavl» avtojolynda boran saldarynan birneshe kóliktiń soqtyǵysqan iri jol-kólik oqıǵasy oryn aldy.
«Jol apatynan jeńil avtomobıl «Gazel» júk kóliginiń artyna kirip ketti. Saldarynan órt shyǵyp, jeńil kólik tolyǵymen janyp ketti. Al, «Gazeldiń» kýzovy zaqymdandy. Órt saǵat 14:40 sóndirildi. Qaza bolǵandar men zardap shekkender joq. Órtti sóndirýge TJD jeke quramynan 10 qyzmetker jáne eki arnaıy órt sóndirý tehnıkasy jumyldyryldy», - dedi vedomstvodan.
Sonymen birge, aýa raıynyń nasharlaýyna baılanysy Aqmola oblysynyń Tótenshe jaǵdaılar departamentiniń qyzmetkerleri oblys turǵyndary men qonaqtaryna eldi mekenderden syrtqa shyqpaýyn, qajet bolǵan jaǵdaıda temirjol kóligin paıdalanýdy suraıdy.
