Aqmola oblysyndaǵy etti qaıta óńdeý kesheni ónimin Astanaǵa jónelte bastady
Kásiporynnyń endigi jospary - kórshiles Qytaıdyń naryǵyna etti eksportqa shyǵarý. Bul joba «QazAgro» ulttyq holdınginiń 10 jyldyǵy jáne Qazaqstan Táýelsizdiginiń 25 jyldyǵy qarsańynda iske asyrylyp otyr.
Aqmola oblysynyń Ereımentaý aýdanynda 3 myń basqa arnalǵan bordaqylaý alańyn jáne jylyna 5 myń tonna et pen et ónimderine arnalǵan etti qaıta óńdeý keshenin qurý jónindegi jobanyń ekinshi kezeńi iske asyryldy. Jalpy quny 1,5 mlrd. teńgeniń jobasyn «QazAgro» ulttyq holdınginiń qurylymyndaǵy kompanııa «QazAgroQarjy» AQ qarjylaı qoldaýymen «Jańa-Bereke» ShQ júzege asyrady. Kásiporyn óndiristiń tolyq tsıklyn atqarady: reprodýktor - bordaqylaý alańy - et óńdeý kesheni. Ol Qazaqstannyń saýda jelilerin et ónimderimen jabdyqtap qoımaı, onymen eksport naryqtaryna shyǵýǵa múmkindik beredi. Kásiporynnyń halyqaralyq standarttarǵa sáıkestik sertıfıkaty bar.
«Jańa-Bereke» ShQ dırektory Aıbek Qazybekov aıtyp ótkendeı, sharýashylyqta baǵylatyn qazaq aqbasty jáne qalmaq tuqymdary jergilikti jaǵdaılarǵa jaqsy beıimdelgen jáne iri qara maldar qorada qamalyp ustalmaıdy, bul jarty jyl ishinde maldy jaılaýda baǵýǵa jáne jeke jaıylymdardaǵy balaýsa shópterdi paıdalanýǵa múmkindik beredi. Sonymen birge, qyzmeti men perspektıvalary jóninde sóz qozǵaı kelip, «Jańa-Bereke» ShQ basshysy «QazAgro» ulttyq holdınginiń damý ınstıtýttary - «QazAgroQarjy» AQ, «Agrarlyq nesıe korporatsııasy» AQ, «QazAgroMarketıng» AQ taraptarynan óndiriske kórsetilgen kómektiń erekshe mańyzdy rólin atap ótti. Qazybekovtyń aıtýynsha, solardyń kórsetken qoldaýynyń arqasynda, joba qajetti nesıe resýrstaryn, lızıngke jabdyq men aýyl sharýashylyǵy tehnıkasyn, sondaı-aq der kezinde sýbsıdııa aldy.
1364 bas iri qara mal Qazaqstan men Reseıdiń asyl tuqymdy sharýashylyqtarynan «QazAgroQarjy» AQ bergen aqsha esebinen satyp alyndy. Búgingi tańda jeke maldy qosa alǵandaǵy ІQM jalpy sany 2 127 basty quraıdy.
«Jańa-Bereke» ShQ turaqty negizde jobany damytýǵa qarajat salady. Maldardy zertteý úshin mamandandyrylǵan jabdyqty satyp alý júrgiziledi, vaktsınalar, dárýmender men dári-dármekter, sonyń ishinde alyp kelingen maldyń tuqymyn jaqsartý jáne beıimdeý úshin qajet zattar satyp alynady. Maldardy baǵyp kútý úshin Qazaqstannyń barlyq jerlerinen biliktiligi joǵary mamandardy irikteý júrgizildi, Belarýssııadan mamandar tartyldy. Aýylda sharýashylyqtyń mamandaryna arnalyp 5 turǵyn úı salyndy. Jalpy, atalǵan jobany iske asyrý maýsymdyq jumysqa táýeldi emes 50-den astam jańa jumys ornyn qurýǵa yqpalyn tıgizdi.
