Aqmola oblysyndaǵy eki kent turǵyndaryna sý tasqyny qaýipi eskertildi
ASTANA. QazAqparat - 2017 jyldyń 25 sáýirinde Aqmola oblysy Jarqaıyń aýdanynda Esil ózeninidegi sý shekti belgiden 1 metrge asyp ketti (shekti belgi - 6 metr).
Esil ózeni deńgeıiniń asyp ketýine baılanysty Jarqaıyń aýdanynyń Prıgorodnoe jáne Gastello aýyldaryn sý basý qaýpi týraly eskertildi, dep habarlaıdy QR ІІM TJK.
Eldi mekenderdi sý basýǵa jol bermeý maqsatynda TJD qyzmetkerleri qorǵanys úıindilerin ıntertti materıaldarmen jáne qapshyqtarmen nyǵaıtý jumystaryn júrgizýde. Ázirge 36000 tonna ınertti materıal jetkizilip, 7400 qapshyq qoıyldy jáne 22160 tekshe metrden astam qyzyl sý sorǵytyldy.
Odan bólek, Lvovskoe, Prıgorodnoe, Gastello aýyldarynda jáne Jarqaıyń aýdanynyń Derjavınsk qalasynda sý deńgeıin baqylaý boıynsha táýlik boıy kezekshilik júrýde.
Prıgorodnoe aýylynda turǵyn úılerdi sý basýǵa jol bermeý maqsatynda qorǵanys úıindilerine ıntertti materıaldar tóseý jáne qapshyqtarmen nyǵaıtý jumystary júrgizilýde. 25 000 tonna ınertti materıal ákelinip, ınertti materıal salynǵan 6700 qapshyq qoıyldy. Jaıylyp ketken qyzyl sýdy sorǵytý jumystary júrip jatyr.
Gastello aýylynda da qorǵanys úıindileri ıntertti materıaldarmen nyǵaıtylýda, 11 000 tonna ınertti materıaldar jetkizilip, 700 qapshyq qoıyldy.
Sý tasqynyna qarsy sharalarǵa 174 adam jáne 72 dana tehnıka jumyldyryldy. Onyń ishinde Jarqaıyń, Atbasar, Esil jáne Býrabaı aýdandarynyń órt sóndirý jáne apatty qutqarý jumystary qyzmetiniń bólimshelerinen 24 adam, 9 dana tehnıka, jergilikti atqarý organdary men uıymdardan - 136 adam, 58 dana tehnıka jáne jergilikti polıtsııa qyzmetinen - 14 adam, 5 dana tehnıka jumys istedi. 
